Mak 12:35 - Krio Fɔs Oli Baybul

³⁵ Wɛn Jizɔs bin de na Gɔd in Os de lan di pipul dɛn, i aks dɛn se, “Aw dɛn Ju Lɔ ticha ya go se di Mɛsaya na Devid in grampikin pikin?

Mak 12:35 Referans Kwoze

Matyu 26:55

Jizɔs aks di krawd se, “Wetin mek una ol sɔd ɛn tin dɛn fɔ tek fɛt fɔ kam ol mi lɛkɛ na tifman una de kam ol? A bin de wit una ɔl di tɛm de lan una na Gɔd in Os, bɔt una nɔ ol mi.

Jɔn 18:20

Jizɔs ansa am se, “Na bifo ɔlman a kin tɔk, ɛn na dɛn Ju mitin os ɛn Gɔd in Os, we ɔlman kin gɛda, a kin lan pipul. A nɔ ayd fɔ tɛl ɛnibɔdi ɛnitin wande.

Jɔn 7:42

Dɛn rayt na Gɔd in Buk se, di Mɛsaya go bi wan pan Kiŋ Devid in grampikin pikin dɛm ɛn na Bɛtliɛm, da tɔŋ we Kiŋ Devid bin de, i go bɔn.”

Lyuk 21:37

Ɛvri de, santɛm, Jizɔs kin de lan di pipul dɛn na Gɔd in Os, ɛn na nɛt i kin go na wan il we dɛn kɔl Mawnt Ɔliv, na de i kin de di ol nɛt.

Lyuk 20:1

Wan ɔda de, we Jizɔs bin de lan pipul ɛn tɛl dɛn di Gud Nyuz na Gɔd in Os, nain dɛn edman fɔ dɛn man we de mek sakrifays fɔ pipul sin, dɛn Ju Lɔ ticha, ɛn di ɔda Ju bigman dɛn kam mit am

Lyuk 19:47

Jizɔs bin de tich na Gɔd in Os ɛvri de. Dɛn edman fɔ dɛn man we de mek sakrifays fɔ pipul sin, dɛn Ju Lɔ ticha, ɛn di ɔda Ju bigman dɛn tray fɔ fɛn we fɔ kil Jizɔs,

Mak 11:27

Wɛn dɛn go bak na Jerusɛlɛm, Jizɔs bin de waka insay Gɔd in Os, nain di bigman dɛn we de mek sakrifays fɔ pipul sin, di Ju Lɔ ticha dɛn, ɛn di ɔda Ju bigman dɛn go mit am.

Matyu 9:27

Wɛn Jizɔs kɔmɔt na da ples de, de go, tu blɛnyay man bin de fala am, de ala se, “Yu we na Devid in pikin, sɔri fɔ wi, sa!”

Mak 10:1

Jizɔs kɔmɔt Kepanyɔm go Judia, dɛn i krɔs Riva Jɔdan. Plɛnti pipul go gɛda rawnd am, ɛn i lan dɛn bɔt Gɔd lɛkɛ aw i kin de du.

Mak 14:49

Ɛvri de bin de wit una na Gɔd in Os de lan una bɔt Gɔd, bɔt una nɔ bin ol mi. Bɔt ɔl dis bi so dat wetin dɛn bin rayt na Gɔd in Buk go bi.”