Mak 12:33 - Krio Fɔs Oli Baybul

³³ Ɛn we yu se, wi fɔ lɛk Gɔd wit ɔl wi at, ɔl wi maynd, ɛn ɔl wi pawa, ɛn wi fɔ lɛk wi kɔmpin mɔtalman lɛkɛ aw wi lɛk wisɛf. Dat bɛtɛ pas ɔl di sakrifays dɛn we wi de mek ɛn ɔl di bif dɛn we wi de bɔn we wi de sakrifays to Gɔd.”

Mak 12:33 Referans Kwoze

Ozie 6:6

I se wetin i want pas ɔl na fɔ lɛ pipul de lɛk am ɔltɛm, nɔto fɔ mek dɛn de mek sakrifays to am. I go bɛtɛ lɛ una no am, pas fɔ mek sakrifays we dɛn de bɔn na faya.

1 Samiɛl 15:22

Nain Samiɛl se “PAPA GƆD want yu fɔ bɔn sakrifays to am ɔ i want yu fɔ du wetin go mek i gladi? No se fɔ du wetin PAPA GƆD se fɔ du, bɛtɛ pas di sakrifays we yu de mek to am.

Matyu 12:7

Dɛn rayt na Gɔd in Buk se, ‘A want mek una sɔri fɔ ɔda pipul ɛn du dɛn gud, a nɔ want dɛn bif sakrifays we una de mek!’ If una bin no wetin dɛn wɔd ya min, una nɔ bin fɔ kɔndɛm dɛn pipul we nɔ du bad.

Matyu 9:13

Una go ɛn fɛnɔt wetin dɛn bin min wɛn dɛn rayt na Gɔd in Buk se, ‘Gɔd want mek una sɔri fɔ ɔda pipul ɛn du dɛn gud, i nɔ want dɛn bif sakrifays we una de mek!’ A nɔ kam tɛl dɛn pipul we de du wetin di Lɔ we Gɔd gi Mozis se fɔ chenj dɛn layf, bɔt a kam tɛl dɛn pipul we de pan sin fɔ mek dɛn chenj dɛn layf.”

Di Sam Dɛm 50:23

Di pɔsin we lɛk fɔ tɛl mi tɛnki as in sakrifays to mi, na pɔsin we de du wetin a want, i de mek we fɔ mek a ɛp am pan wetin i de du ɛn sev am we trɔbul kam.”

Di Ibru Pipul Dɛn 10:8

Di tɛm we Krays tɔk dɛn wɔd ya, di fɔs tin we i tɔk na dis: “Yu nɔ want mek pipul mek sakrifays ɛn briŋ ɛnitin kam gi yu; semwe so, yu nɔ want mek dɛn bɔn bif fɔ gi yu ɛn yu nɔ want fɔ mek dɛn mek sakrifays fɔ pul sin kɔmɔt na dɛn layf. Dɛn tin de nɔ go satisfay yu.” Krays tɔk dɛn wɔd ya, pan ɔl we pipul bin de du ɔl dɛn tin de lɛkɛ aw di Ju Lɔ se dɛn fɔ du dɛn.

Prɔvabs 21:3

PAPA GƆD de gladi mɔ fɔ udat de du wetin rayt ɛn fia, pas fɔ udat de mek sakrifays to am.

Ditarɔnɔmi 6:5

dɛn fɔ lɛk PAPA GƆD wit ɔl dɛn at, wit ɔl dɛn sol ɛn wit ɔl dɛn trɛnk.