Mak 12:32 - Krio Fɔs Oli Baybul

³² Di Ju Lɔ ticha tɔk igen, i se, “Ticha, yu dɔn tɔk tru we yu se, na wangren Gɔd de, ɔda wan nɔ de.

Mak 12:32 Referans Kwoze

Ditarɔnɔmi 4:39

Mozis kɛriɔn se, dat fɔ mek dɛn no se na PAPA GƆD na PAPA GƆD ɔp na ɛvin ɛn na PAPA GƆD dɔŋ na ath; nɔn ɔda PAPA GƆD igen nɔ de, pas in waŋren.

Mak 12:29

Jizɔs ansa am se, “Na di lɔ we se, ‘Una we na Izrɛl pipul, lisin! Di Masta na wi Gɔd, ɔda wan nɔ de.

Ayzaya 46:9

mɛmba dɛn lɔntɛm tin dɛm; bikɔs na Mi na Gɔd, ɛn nɔn ɔda wan nɔ de; na Mi na Gɔd ɛn nɔn nɔ tan lɛk mi,

Ayzaya 45:18

Bikɔs na dis PAPA GƆD se, we mek di skay (nain na Gɔd!), We mol dis wɔl ɛn mek am (i mek i tinap, i nɔ mek i bi ples we nɔ gɛt ɔda, i mek am fɔ pipul fɔ tap!). “Na Mi na PAPA GƆD, ɛn nɔn ɔda wan nɔ de.

Ayzaya 45:14

Na dis PAPA GƆD se: “Ijipt in jɛntri ɛn Itiopia in makit, ɛn di Sabian dɛn we na man dɛn we big ɛn ay, go kam oba to una ɛn go blant una, dɛn go de wit una; dɛn go chen dɛn briŋ dɛn kam oba to una, ɛn dɛn go butu to una. Dɛn go beg una se, “Na una nɔmɔ PAPA GƆD de wit, ɛn nɔn ɔda Gɔd nɔ de, nɔn ɔda gɔd nɔ de apat frɔm am;”

Ayzaya 44:8

Una nɔ fred ɔ no kɔt at; a nɔ bin dɔn tɛl una lɔntɛm se i go bi? Ɛn una na mi witnɛs dɛm! Ɛni ɔda Gɔd de apat frɔm mi? Nɔn Rɔk nɔ de, a nɔ sabi ɛniwan.

Ditarɔnɔmi 6:4

Mozis ɛksplen tɛl dɛn se na PAPA GƆD waŋren na dɛn GƆD

Ditarɔnɔmi 4:35

I se PAPA GƆD bin du ɔl dat fɔ lɛ dɛn no ɛn biliv se, fɔ tru tru, PAPA GƆD na PAPA GƆD ɛn in na di waŋren PAPA GƆD.

Ditarɔnɔmi 5:7

Nain waŋren Izrɛl fɔ wɔship.

Mak 12:33

Ɛn we yu se, wi fɔ lɛk Gɔd wit ɔl wi at, ɔl wi maynd, ɛn ɔl wi pawa, ɛn wi fɔ lɛk wi kɔmpin mɔtalman lɛkɛ aw wi lɛk wisɛf. Dat bɛtɛ pas ɔl di sakrifays dɛn we wi de mek ɛn ɔl di bif dɛn we wi de bɔn we wi de sakrifays to Gɔd.”