Mak 12:29 - Krio Fɔs Oli Baybul

²⁹ Jizɔs ansa am se, “Na di lɔ we se, ‘Una we na Izrɛl pipul, lisin! Di Masta na wi Gɔd, ɔda wan nɔ de.

Mak 12:29 Referans Kwoze

Ditarɔnɔmi 6:4

Mozis ɛksplen tɛl dɛn se na PAPA GƆD waŋren na dɛn GƆD

Lyuk 10:27

Di Ju Lɔ ticha ansa Jizɔs se, “Di Lɔ se, ‘Una fɔ lɛk di Masta we na una Gɔd wit ɔl una at, wit ɔl una layf, wit ɔl una pawa, ɛn wit ɔl una maynd’ ɛn ‘Una fɔ lɛk una neba lɛkɛ aw una lɛk unasɛf.’”

Lɛta Fɔ Galeshya 3:20

Bɔt Gɔd in wangren nɔ nid midulman.

Lɛta Fɔ Rom 3:30

Na wangren Gɔd nɔmɔ de. I go mek ɔltin rayt bitwin in ɛn dɛn Ju pipul if dɛn biliv pan Krays, ɛn i go mek ɔltin rayt bitwin in ɛn dɛn pipul we nɔto Ju if dɛnsɛf biliv pan Krays.

1 Kɔrint 8:4

So, lɛkɛ aw a bin se, lɛ a kam tɔk bɔt dɛn it we dɛn kin sakrifays to dɛn tin we mɔtalman mek fɔ pre to: una no se dɛn tin we mɔtalman mek fɔ pre to nɔto Gɔd; wi no se na wangren Gɔd nɔmɔ de.

Jems 2:19

So, una biliv se na wangren Gɔd de. Una rayt! Bɔt dɛn dɛbul dɛnsɛf no se Gɔd de, na dat mek dɛn de fred am ɛn trimbul bifo am.

Fɔs Lɛta To Timoti 2:5

Na wangren Gɔd de, ɛn wan pɔsin de midul Gɔd ɛn mɔtalman fɔ briŋ dɛn togɛda, dat na Jizɔs Krays we insɛf na mɔtalman,

Ditarɔnɔmi 30:6

PAPA GƆD go chenj dɛn ɛn dɛn jɛnareshɔn dɛn at, so dat dɛn go lɛk PAPA GƆD we na dɛn PAPA GƆD wit ɔl dɛn at ɛn wit ɔl dɛn sol so dat dɛn go kɔntinyu fɔ de na di land.

Fɔs Lɛta To Timoti 1:5

Gɔd sɛn wi fɔ ɛp pipul mek dɛn gɛt da lɛk we kɔmɔt insay klin at, ɛn we pɔsin we de tray fɔ du ɔl wetin rayt, gɛt, ɛn we pɔsin we biliv Gɔd fɔ tru, gɛt.

Matyu 23:9

Ɛn una nɔ fɔ kɔl una kɔmpin Kristiɛn ‘Papa’ na dis wɔl, bikɔs na wangren Papa una gɛt we de na ɛvin.

Matyu 10:37

“Ɛnibɔdi we lɛk in papa ɔ mama pas mi, nɔ fit fɔ bi mi lanin bɔy, ɛn ɛnibɔdi we lɛk in pikin dɛn pas mi, nɔ fit fɔ bi mi lanin bɔy.

Ditarɔnɔmi 10:12

Mozis tɛl di Izrɛlayt dɛn se PAPA GƆD se in want dɛn fɔ wɔship in PAPA GƆD we na dɛn PAPA GƆD ɛn wok fɔ am wit ɔl dɛn at ɛn ɔl dɛn sol,

Prɔvabs 23:26

Mi pikin, pe atɛnshɔn to wetin a de tɛl yu, tray fɔ de fala mi ɛgzampul.

Di Sam Dɛm 86:10

PAPA GƆD, na yu nɔmɔ kin du wɔndaful tin dɛn na yu nɔmɔ na PAPA GƆD.