Mak 12:27 - Krio Fɔs Oli Baybul

²⁷ Una dɔn mistek bad, bikɔs if Gɔd na Gɔd fɔ pɔsin dat min se da pɔsin de nɔto pɔsin we day, bɔt na pɔsin we gɛt layf.”

Mak 12:27 Referans Kwoze

Lɛta Fɔ Rom 14:9

Na di rizin dat we mek Krays day ɛn rayz frɔm di grev fɔ mek i bi di Masta fɔ dɛn pipul we dɔn day ɛn dɛn wan we nɔ day yet.

Lɛta Fɔ Rom 4:17

Lɛkɛ aw dɛn rayt na Gɔd in Buk, we Gɔd se, “A dɔn mek yu bi papa fɔ plɛnti neshɔn.” So Gɔd insɛf, we Ebraam bin biliv, we prɔmis dis prɔmis, no se i go bi. Na di sem Gɔd de mek dɛn pipul we bin dɔn day gɛt layf bak, ɛn wɛn i tɔk dɛn tin we nɔ bin de na wɔl, go de.

Mak 12:24

Jizɔs se, “Una mistek bad, bikɔs una nɔ no wetin rayt na Gɔd in Buk, ɛn una nɔ no bɔt Gɔd in pawa.

Di Ibru Pipul Dɛn 3:10

Na dat mek a bin vɛks pan dɛn, ɛn a se, ‘Dɛn dɔn pul dɛn at kɔmɔt pan mi, ɛn dɛn nɔ ɔndastand di we we a de du ɔltin.’

Prɔvabs 19:27

Mi pikin, if yu nɔ tek wetin a tich yu, yu go lɛf fɔ du wetin rayt.

Matyu 22:29

Jizɔs ansa dɛn se, “Una dɔn mistek bad, bikɔs una nɔ no wetin rayt na Gɔd in Buk, ɛn una nɔ no Gɔd in pawa.

Matyu 22:32

‘Mi na Gɔd fɔ Ebraam, Ayzak ɛn Jekɔb.’ If Gɔd na Gɔd fɔ wan pɔsin dat min se da pɔsin de nɔto pɔsin we day, bɔt na pɔsin we gɛt layf.”

Lyuk 20:38

If Gɔd na Gɔd fɔ wan pɔsin, dat min se da pɔsin de nɔto pɔsin we day bɔt na pɔsin we gɛt layf, ɛn di layf we wi gɛt we go de sote go na fɔ Gɔd.”