Mak 12:26 - Krio Fɔs Oli Baybul

²⁶ We una de aks if dɛn pipul we dɔn day go rayz frɔm dɛn grev, una nɔ rid yet wetin Gɔd bin mek Mozis rayt nain Buk, da say we tɔk bɔt di smɔl tik we bin de bɔn we Gɔd bin tɛl Mozis se, ‘Mi na Gɔd fɔ Ebraam, Ayzak, ɛn Jekɔb?’

Mak 12:26 Referans Kwoze

Lyuk 20:37

Mozis insɛf sho se dɛn dayman de rayz frɔm dɛn grev go ɛvin bikɔs na da say we rayt na Gɔd in Buk bɔt da tɛm we i bin tinap bifo da smɔl tik we de bɔn, i bin se di Masta we na Gɔd, na Gɔd fɔ Ebraam, fɔ Ayzak, ɛn fɔ Jekɔb.

Jɛnɛsis 33:20

I bil ɔlta de ɛn kɔl am Ɛl-Ɛloe-Izrɛl.

Ɛksodɔs 3:16

“Go gɛda ɔl di lida dɛn na Izrɛl ɛn tɛl dɛn se, ‘mi PAPA GƆD we na di PAPA GƆD we dɛn fɔstɛm-papa dɛn dat na Ebraam, Ayzak ɛn Jekɔb, bin de wɔship apia to yu ɛn tɛl yu se, a dɔn de wach dɛn, ɛn a dɔn si ɔl wetin de apin to dɛn na Ijipt

Jɛnɛsis 32:9

Dɔn Jekɔb pre se, “PAPA GƆD, we na mi grampa Ebraam ɛn mi papa Ayzak dɛn PAPA GƆD, yu bin dɔn tɛl mi se a fɔ go bak na mi kɔntri ɛn to mi fambul dɛn, ɛn yu go mek ɔltin fayn fɔ mi.

Jɛnɛsis 31:42

If nɔto fɔ PAPA GƆD, di PAPA GƆD we na mi papa in PAPA GƆD, ɛn Ebraam insɛf yon PAPA GƆD, we Ayzak de fred, a no se yu bin fɔ dɔn drɛb mi ɛn nɔ gi mi natin. PAPA GƆD insɛf si se a dɔn sɔfa ɛn a dɔn wok fɔ yu, nain mek i apia to yu yɛstade nɛt ɛn wɔn yu fɔ kɔmɔt biɛn mi.”

Jɛnɛsis 26:24

Da nɛt de PAPA GƆD apia to am ɛn tɛl am se, “Mi na yu papa Ebraam in PAPA GƆD. Nɔ fred; A de wit yu. A go blɛs yu ɛn mek yu jɛnareshɔn dɛn bɔku bikɔs na so a bin dɔn prɔmis mi savant Ebraam.”

Mak 12:10

Una nɔ rid yet wetin rayt na Gɔd in Buk? Dɛn rayt se, ‘Di ston we dɛn pipul we de bil nɔ luk se bɛtɛ, nain dɔn bi di wan we impɔtant pas ɔl di ɔda wan dɛn.

Jɛnɛsis 28:13

PAPA GƆD insɛf bin tinap nia am ɛn tɛl am se, “Mi na PAPA GƆD, Ebraam yu grampa, ɛn Ayzak, yu papa dɛn PAPA GƆD, A go gi yu ɛn yu jɛnareshɔn dɛn dis land usay yu lidɔm so.

Mak 12:25

Di tɛm we Gɔd go mek dɛn pipul we dɔn day rayz frɔm dɛn grev, mared nɔ go de igen, di pipul dɛn go tan lɛkɛ di enjɛl dɛn na ɛvin.

Jɔn 20:17

Jizɔs se, “Nɔ tɔch mi, bikɔs a nɔ go bak to mi Papa yet. Bɔt go tɛl mi lanin bɔy dɛn se, a de tɔn bak go ɔp to mi Papa we na unasɛf yon Papa. Na mi Gɔd ɛn na unasɛf yon Gɔd.”

Lɛta Fɔ Rom 11:2

Nɔ, Gɔd nɔ se in nɔ want in yon pipul dɛn we i bin dɔn pik lɔntɛm. Una no wetin rayt na Gɔd in Buk, da say we Ilayja tɔk traŋa wan bɔt di Ju pipul dɛn, we i tɔk to Gɔd se: