Mak 12:17 - Krio Fɔs Oli Baybul

¹⁷ Jizɔs se, “Una gi di kiŋ na Rom wetin blant am ɛn una gi Gɔd wetin blant Gɔd.” Di pipul dɛn we kam fɔ tray Jizɔs wɔnda wɛn dɛn yɛri wetin Jizɔs tɔk.

Mak 12:17 Referans Kwoze

Lɛta Fɔ Rom 13:7

Una fɔ pe dɛn ɔl wetin una gɛt fɔ pe dɛn; una fɔ pe ɛni taks we di gɔvmɛnt se una fɔ pe, ɛn una fɔ rɛspɛkt ɔl una rula dɛn.

Pita In Fɔs Lɛta 2:17

Una fɔ rɛspɛkt ɔlman, lɛk una kɔmpin Kristiɛn dɛn, fred Gɔd, ɛn rɛspɛkt di man we de rul oba ɔl dɛn ɔda rula dɛn.

Lɛta Fɔ Rom 6:13

Una nɔ fɔ sin wit ɛni pat pan una bɔdi, bɔt una fɔ gi Gɔd ɔl pat na una layf, na so pipul we bin day bɔt we Gɔd dɔn gi nyu layf, fɔ du; una fɔ gi Gɔd ɔl una layf so dat i go mek una du dɛn tin we gud fɔ mɔtalman.

Prɔvabs 24:21

Mi pikin, ɔna ɛn rɛspɛkt PAPA GƆD ɛn di kiŋ, nɔ fala nɔbɔdi fɔ biev lɛkɛ rebɛl pan dɛn,

Lɛta Fɔ Rom 12:1

Mi kɔmpin Kristiɛn dɛn, bikɔs Gɔd de sɔri fɔ wi bad bad, a de beg una mek una gi una layf lɛkɛ sakrifays to Gɔd fɔ du in wok, ɛn fɔ du ɔl wetin i lɛk; na di tru we dat fɔ wɔship Gɔd.

Matyu 22:46

Nɔbɔdi nɔ ebul ansa Jizɔs ɛn frɔm da tɛm de nɔbɔdi nɔ gɛt maynd fɔ aks Jizɔs ɛni kwɛshɔn.

Matyu 22:22

Wɛn dɛn yɛri wetin Jizɔs tɔk, dɛn wɔnda, dɛn go.

Malakay 1:6

I se bɔypikin kin rɛspɛkt in papa dɔn bɔy de rɛspɛkt in masta. I se, so, if dɛn de se in na papa, usay in yon rɛspɛkt de; ɛn if in na masta, usay in rɛspɛkt we i fɔ gɛt go. PAPA GƆD Ɔlmayti se, di man dɛn we de mek sakrifays fɔ pipul sin nɔ gɛt wan rɛspɛkt fɔ am ɛn dɛn nɔ bisin sɛf bɔt in nem.

Mak 12:30

Una fɔ lɛk di Masta we na una Gɔd wit ɔl una at, ɔl una layf, ɔl una maynd, ɛn ɔl una pawa.’

Matyu 22:33

Di tin dɛn we Jizɔs bin de lan pipul mek dɛn wɔnda.

Prɔvabs 23:26

Mi pikin, pe atɛnshɔn to wetin a de tɛl yu, tray fɔ de fala mi ɛgzampul.

Matyu 8:10

Jizɔs wɔnda we i yɛri wetin di Roman ɔfisa se, i tɔk to di pipul dɛn we bin de fala am. I se, “A de tɛl una se, wande a nɔ si pɔsin we biliv Gɔd lɛkɛ dis na Izrɛl.

Matyu 22:21

Dɛn se, “Na di kiŋ na Rom in yon.” Nain Jizɔs se, “Una gi di kiŋ na Rom wetin blant am, ɛn gi Gɔd wetin blant Gɔd.”

Mak 12:16

Wɛn dɛn briŋ di Roman kɔpɔ kam, Jizɔs aks dɛn se, “Udat in pikchɔ ɛn nem de pan di kɔpɔ?” Dɛn se, “Na di kiŋ na Rom in yon.”

Lyuk 20:25

Jizɔs se, “Una gi di kiŋ na Rom wetin blant am ɛn una gi Gɔd wetin blant Gɔd.”