Mak 12:14 - Krio Fɔs Oli Baybul

¹⁴ Dɛn go mit Jizɔs ɛn se, “Ticha, wi no se yu de tɔk tru ɛn yu nɔ tek ɛnibɔdi pas in kɔmpin, yu nɔ de luk if pɔsin jɛntri ɔ if i po. Yu de lan wi wetin Gɔd want mɔtalman fɔ du, fɔ tru, bɔt lɛ wi aks yu wan kwɛshɔn. I rayt fɔ mek wi pe taks to di kiŋ na Rom? Wi fɔ pe taks ɔ wi nɔ fɔ pe taks?”

Mak 12:14 Referans Kwoze

Fɔs Lɛta Fɔ Tɛsalonayka 2:4

Bɔt wi de tɛl pipul wetin Gɔd want wi fɔ tɛl dɛn, bikɔs i gi wi dis wok we i si se in kin abop pan wi fɔ du am lɛkɛ aw i want wi fɔ du am. Wi nɔ de tray fɔ pliz mɔtalman, bɔt wi want fɔ pliz Gɔd we no wetin de na wi at.

Lɛta Fɔ Galeshya 2:6

Dɛn pipul na Jerusɛlɛm we dɛn se na bigman na di chɔch nɔ bin tɛl wi fɔ chenj di Gud Nyuz we a bin de tɛl dɛn pipul we nɔto Ju. A nɔ bisin udat dɛn bi, bikɔs Gɔd nɔ de luk aw pɔsin tan ɔ udat i bi bifo i gri fɔ am.

Lɛta Fɔ Galeshya 1:10

A nɔ de tɔk fɔ mek mɔtalman prez mi, na Gɔd in prez a want. Una min se a want fɔ mek mɔtalman lɛk mi, if na dat a bin want, afta ɔl dɛn ia ya, a nɔ go bi Krays in savant.

2 Kɔrint 5:16

So wi nɔ fɔ luk ɛnibɔdi igen lɛkɛ aw mɔtalman de luk dɛn. If wi bin de luk Krays fɔstɛm lɛkɛ aw mɔtalman de luk pɔsin, wi nɔ fɔ du so igen.

2 Kɔrint 5:11

Wi no wetin i min fɔ fred Gɔd, so wi de tray fɔ tɔk to ɔda pipul mek dɛnsɛf go fred Gɔd. Gɔd no wi gud wan, ɛn a op se unasɛf ɔndastand wi gud.

2 Kɔrint 2:17

Wi nɔ tan lɛkɛ plɛnti pipul we de tɛl ɔda pipul Gɔd in mɛsej fɔ mek mɔni, bɔt bikɔs na Gɔd sɛn wi, wi de tɔk tret wɔd bifo am wit Krays in pawa.

2 Kɔrint 2:2

If a mek una at pwɛl, udat go lɛf fɔ kɔrej mi? Na dɛn wan nɔmɔ we a dɔn mek dɛn at pwɛl.

Jɔn 7:18

Pɔsin we de tɔk fɔ insɛf de tray fɔ mek pipul prez am. Bɔt pɔsin we want fɔ mek pipul prez di wan we sɛn am, na pɔsin we de tɔk tru, lay nɔ de nain mɔt.

Lɛta Fɔ Rom 13:6

Semwe so, una fɔ de pe taks bikɔs dɛn wan we de rul, na Gɔd in wokman dɛn. Dɛn de du Gɔd in wok we dɛn de du di wok we dɛn fɔ du.

Lyuk 23:2

Dɛn tɛl Paylet se, “Wi mit dis man de put wɔd na di pipul dɛn yes fɔ mek dɛn strayk ɛn i se wi nɔ fɔ pe taks to di kiŋ na Rom. I tɔk se in na di Mɛsaya ɛn dat min se in na kiŋ.”

Lyuk 20:22

Dɛn aks am se, “I rayt fɔ mek wi pe taks to di kiŋ na Rom ɔ i nɔ rayt?”

Mak 14:45

Wɛn Judas kam, i go to Jizɔs wantɛm, i se, “Masta!” Dɛn i kis am.

Matyu 22:17

Wɛl, tɛl wi wetin yu tink, i rayt fɔ lɛ wi pe taks to di kiŋ na Rom ɔ i nɔ rayt?”

Mayka 3:8

Mayka tɛl dɛn se na PAPA GƆD in spirit nɔmɔ we de pan am de gi am pawa. I se i de gi am sɛns ɛn mek i ebul fɔ tɛl Jekɔb in jɛnareshɔn bɔt di bad we dɛn de du ɛn fɔ tɛl Izrɛl bɔt di sin dɛn we dɛn de kɔmit.

Jɛrimaya 42:20

so dat a una nɔ go go astre we una go gɛt fɔ tek una layf pe fɔ. Bikɔs una sɛn mi to PAPA GƆD we na una Gɔd se, ‘Pre fɔ wi to PAPA GƆD we na wi Gɔd ɛn wi go du ɛnitin we PAPA GƆD we na wi Gɔd tɛl wi se, wi fɔ du.’

Di Sam Dɛm 120:2

PAPA GƆD, sev mi, frɔm dɛn wan dɛn we de pan lay ɛn rikishi gem.

Di Sam Dɛm 55:21

I gɛt swit mɔt bad, bɔt i gɛt bad at bak; I go de sɛl yu so, i de tɔk fayn to yu.

Nɛimaya 9:37

Na we wi sin mek ɔl di bɔku bɔku avɛst we wi de gɛt de go to di kiŋ dɛn we de oba wi fɔ rul wi. Dɛn ivin de rul wi bɔdi ɛn wi animal dɛn we wi de mɛn lɛkɛ aw dɛn want. Na siriɔs trɔbul wi de pan so.”

2 Kronikuls 19:7

So duya, una fred PAPA GƆD; una kiaful wetin una de du bikɔs PAPA GƆD we Gɔd nɔ de bɛn bɛn di tru. I nɔ de sayd nɔbɔdi ɛn i nɔ de tek brayb.

2 Kronikuls 18:13

Bɔt Maykaya tɛl am se, “wans PAPA GƆD de alayv, na wetin i tɛl mi fɔ tɔk a go tɔk.”

Ditarɔnɔmi 16:19

I se di wan dɛn we dɛn go pik fɔ bi di lida dɛn, nɔ fɔ gɛt yuki yuki; dɛn nɔ fɔ tek brayb bikɔs brayb kin mek sɛns man dɛn mek lɛkɛ dɛn nɔ de si di tru, ɛn dat kin mek dɛn gi rɔŋ to di pɔsin we gɛt rayt, ɛn rayt to di pɔsin we gɛt rɔŋ.

2 Kɔrint 4:1

We Gɔd dɔn sɔri fɔ wi ɛn gi wi dis wok ya fɔ du, wi nɔ go gri mek ɛnitin mek wi at pwɛl.

Matyu 22:16

Dɛn sɛn sɔm pan dɛn yon lanin bɔy dɛn, ɛn sɔm pan di Ju pipul dɛn we bin jɔyn Ɛrɔd in pati, fɔ go aks Jizɔs se, “Ticha, wi no se yu de tɔk tru ɛn yu de lan pipul wetin Gɔd want mɔtalman fɔ du, fɔ tru, ɛn yu nɔ bisin bɔt wetin dɛn de tink, yu nɔ kia if pɔsin po ɔ jɛntri.

Mak 12:13

Dɛn sɛn sɔm Faresi dɛn ɛn sɔm pan Ɛrɔd in pati pipul dɛn to Jizɔs fɔ mek Jizɔs tɔk sɔntin we dɛn go tek kech am.

Mak 12:15

Jizɔs no wantɛm se dɛn na ipokrit pipul, ɛn dɛn bin de sɛt trap fɔ kech am, so i se, “Wetin du una de tray fɔ tek wetin a tɔk kech mi? Una briŋ wan Roman kɔpɔ kam mek wi luk am.”