Mak 11:33 - Krio Fɔs Oli Baybul

³³ So dɛn se, “Wi nɔ no!” Jizɔs se, “Misɛf nɔ go tɛl una udat gi mi di rayt fɔ du dɛn tin ya.”

Mak 11:33 Referans Kwoze

2 Kɔrint 3:15

Te tide, ɛnitɛm we dɛn de rid di Lɔ we Gɔd gi Mozis, di tin stil nɔ de mek dɛn ebul ɔndastand.

Lɛta Fɔ Rom 1:28

Bikɔs mɔtalman nɔ gri fɔ put dɛn at pan di tru tin we dɛn no bɔt Gɔd, Gɔd dɔn lɛf dɛn fɔ du di bad tin we de na dɛn at, so naw dɛn jɛs de du dɛn tin we dɛn nɔ fɔ du.

Jɔn 9:27

Di man se, “A min a bin dɔn tɛl una, bɔt una nɔ gri lisin. Wetin du una want mek a tɛl una igen? Tinkya unasɛf want bi in lanin bɔy dɛn?”

Jɔn 3:10

Jizɔs aks am se, “Yu we na big ticha na Izrɛl, yu nɔ ɔndastand wetin a tɔk?

Matyu 21:27

So dɛn tɔn to Jizɔs ɛn se, “Wi nɔ no udat gi Jɔn di rayt fɔ baptayz pipul.” So Jizɔs se, “Misɛf nɔ go tɛl una wetin mek a gɛt di rayt fɔ du dɛn tin ya.

Matyu 16:4

Dɛn tide pipul dɛn bad ɛn dɛn nɔ de fred Gɔd! Una de aks mi fɔ du wɔndaful tin, bɔt a nɔ go du am. Una nɔ go si ɛni wɔndaful tin pas di wan we bin dɔn bi to prɔfɛt Jona.” So Jizɔs lɛf di pipul dɛn ɛn go.

Matyu 15:14

Una lɛf dɛn; dɛn na blɛnyay pipul we de tray fɔ lid ɔda blɛnyay pipul, ɛn if blɛnyay pɔsin lid in kɔmpin, dɛn ɔl tu go fɔdɔm na ol.”

Ayzaya 56:10

In wachman dɛn blɛn, dɛn ɔl nɔ sabi natin; dɛn ɔl na mumu lɛk dɔg, dɛn nɔ ebul bak; dɛn jɛs de lidɔm, drim, ɛn dɛn lɛk fɔ slip.

Ayzaya 1:3

Man kaw no udat i blant, ɛn dɔŋki no di say we in masta put in it, bɔt Izrɛl nɔ no, mi pipul dɛn nɔ ɔndastand.”

Job 5:13

I de mek di wan dɛn we dig ol fɔ ɔda pɔsin, fɔdɔm insay di ol; ɛn wetin dɛn plan nɔ ol wata.

Ozie 4:6

Na bikɔs di pipul nɔ no in we na dat mek PAPA GƆD mek dɛn de sɔfa so. I se dɛn dɔn tɔn dɛn bak pan am so insɛf dɔn lɛf di man dɛn we de mek sakrifays fɔ pipul sin to dɛnsɛf. Ɛn bikɔs dɛn nɔ bisin bɔt PAPA GƆD in lɔ dɛn, insɛf nɔ bisin bɔt dɛn.

Mak 11:32

Bɔt wi fɔ se ‘Na mɔtalman.’” Dɛn fred fɔ tɔk dat bikɔs ɔl di pipul dɛn bin biliv se Jɔn na tru prɔfɛt.

Mak 12:1

Jizɔs pul wan parebul; i se, “Wan man bin plant grepvayn nain gadin, dɔn i mek ston wɔl rawnd di gadin. I dig ol fɔ mek di wayn ɛn bil wan ples ɔp di wɔl we pɔsin go sidɔm fɔ wach di gadin. I rɛnt di gadin gi sɔm pipul, dɔn i go patrol na ɔda kɔntri.