Mak 11:31 - Krio Fɔs Oli Baybul

³¹ Dɛn bigin tɔk to dɛn kɔmpin se, “If wi ansa se na Gɔd sɛn Jɔn fɔ kam baptayz pipul, i go aks wi se, ‘Wetin du una nɔ bin biliv am?’

Mak 11:31 Referans Kwoze

Jɔn 1:36

Wɛn Jɔn si Jizɔs de pas, i se, “Una luk di pɔsin we go padin pipul dɛn sin!”

Jɔn 1:34

Jɔn se, “A dɔn si wetin bi, ɛn a de tɛl una se dis man na Gɔd in Pikin.”

Jɔn 1:29

Di ɔda de Jɔn si Jizɔs de kam, nain i se, “Luk di Pɔsin we Gɔd sɛn fɔ padin mɔtalman sin!

Jɔn 1:15

Jɔn bin de tɛl pipul bɔt am. I bin de ala se, “Na di pɔsin dis we a bin de tɔk bɔt, wɛn a bin de se, ‘I go kam wɛn a dɔn du di wok we Gɔd sɛn mi fɔ kam du, bɔt i pas mi fawe, bikɔs i bin dɔn de bifo a bɔn.’”

Matyu 16:7

Di lanin bɔy dɛn bigin tɔk to dɛn kɔmpin se, “I tɔk dat bikɔs wi nɔ briŋ bred kam.”

Mak 11:30

Na Gɔd ɔ na mɔtalman sɛn Jɔn fɔ kam baptayz pipul?”

Mak 11:32

Bɔt wi fɔ se ‘Na mɔtalman.’” Dɛn fred fɔ tɔk dat bikɔs ɔl di pipul dɛn bin biliv se Jɔn na tru prɔfɛt.