Mak 11:24 - Krio Fɔs Oli Baybul

²⁴ Na dat mek a de tɛl una se, ɛnitin we una aks Gɔd fɔ, una fɔ biliv se una go gɛt am ɛn una go gɛt am.

Mak 11:24 Referans Kwoze

Matyu 21:22

Wɛn una de pre to Gɔd fɔ du sɔntin, i go du am if una biliv se i go du am.”

Jɔn In Fɔs Lɛta 3:22

Gɔd de gi wi ɛnitin we wi aks am fɔ, bikɔs wi de du wetin i de tɛl wi fɔ du ɛn dɛn tin we mek i satisfay.

Matyu 18:19

“A de tɛl una igen se, if tu pan una gri fɔ aks Gɔd fɔ du sɔntin na dis wɔl, mi Papa we de na ɛvin go du di tin fɔ una.

Jɔn 15:7

If una de wit mi ɔltɛm ɛn mi wɔd dɛn de na una at ɔltɛm, una kin aks mi Papa fɔ ɛnitin we una want, ɛn i go gi una.

Jɔn 14:13

Ɛn if una tek mi nem pre fɔ ɛnitin, a go du di tin we una want, so dat pipul go si aw mi Papa wɔndaful.

Mak 11:25

Ɛnitɛm we una de pre to Gɔd, una fɔ padin ɛnibɔdi we du una bad, so dat una Papa Gɔd we de na ɛvin go padin una fɔ di bad tin dɛn we una du. [

1 Kɔrint 14:13

Di man we de tɔk dɛn laŋwej we insɛf nɔ ɔndastand fɔ pre mek Gɔd mek i ebul ɛksplen wetin i de tɔk.