Mak 11:23 - Krio Fɔs Oli Baybul

²³ A de tɛl una se, if ɛnibɔdi tɛl dis mawnten fɔ kɔmɔt na ya ɛn go na di si, ɛn di pɔsin nɔ dawt se wetin i tɔk go bi, bɔt i biliv se wetin i tɔk go bi, na so i go bi.

Mak 11:23 Referans Kwoze

Matyu 17:20

Jizɔs ansa dɛn se, “Na we una nɔ biliv Gɔd gud wan. A de tɛl una se, if una biliv, ilɛk di biliv we una biliv smɔl lɛkɛ mɔstad sid, una kin tɛl dis mawnten se, ‘Kɔmɔt na ya, go yanda!’ Ɛn i go bi. Ɛn natin nɔ de we una nɔ go ebul du! [

Jɔn 15:7

If una de wit mi ɔltɛm ɛn mi wɔd dɛn de na una at ɔltɛm, una kin aks mi Papa fɔ ɛnitin we una want, ɛn i go gi una.

Matyu 21:21

Jizɔs ansa dɛn se, “If una biliv Gɔd gud fashin, ɛn una nɔ dawt, una go ebul du wetin a dɔn du to dis fig tik ya; ɛn nɔto dat nɔmɔ, una go ebul tɛl dis mawnten se, ‘Kɔmɔt ya, go na di si’ ɛn i go go.

Di Sam Dɛm 37:4

Ɛnjɔy fɔ sav PAPA GƆD ɛn i go gi yu wetin yu want bad bad.

Jɔn 14:13

Ɛn if una tek mi nem pre fɔ ɛnitin, a go du di tin we una want, so dat pipul go si aw mi Papa wɔndaful.

Lyuk 17:6

Jizɔs ansa dɛn se, “If una biliv, ilɛk di biliv we una biliv tan lɛkɛ wan lili sid lɛkɛ mɔstad sid, una kin tɛl ɛni big tik se, ‘Kɔmɔt na ya go tinap na wata’ ɛn i go muf go na di wata.

1 Kɔrint 13:2

Ɔ if a gɛt di pawa fɔ tɔk wɔd we Gɔd tɛl mi fɔ tɔk; if a sabi ɔltin; ɔ if a kin ɔndastand ɔltin; if a ebul muf ay ay il bikɔs a biliv Gɔd lɛkɛ aw a fɔ biliv am, ɛn a nɔ lɛk mi kɔmpin mɔtalman, ɔl dɛn tin ya we a ebul du nɔ min natin.

Matyu 14:13

Wɛn Jizɔs yɛri bɔt dat, i lɛf di ples we i bin de, tek bot go na ples we pipul nɔ bin de. Wɛn di pipul dɛn yɛri bɔt dat, dɛn kɔmɔt na di tɔŋ dɛn we dɛn bin de, dɛn waka bay land go mit Jizɔs.