Mak 11:21 - Krio Fɔs Oli Baybul

²¹ Pita mɛmba wetin bin bi, so i tɔn to Jizɔs ɛn se, “Ticha, luk, da fig tik we yu bin swɛ dɔn day!”

Mak 11:21 Referans Kwoze

1 Kɔrint 16:22

Ɛnibɔdi we nɔ lɛk di Masta, kɔs de pan am. Wi Masta de kam!

Matyu 25:41

“Di Kiŋ go tɛl di wan dɛn nain lɛfan se, ‘Una kɔmɔt to mi, Gɔd dɔn kɔndɛm una, una go na da faya we de sote go, Gɔd bin dɔn rɛdi da faya de fɔ Setan ɛn in enjɛl dɛn.

Matyu 23:7

Wɛn dɛn go na di ples we ɔlman de gɛda, dɛn lɛk fɔ mek ɔlman nil dɔŋ fɔ tɛl dɛn adu ɛn kɔl dɛn ‘Ticha.’

Prɔvabs 3:33

PAPA GƆD de ib swɛ na bad pɔsin in os, ɛn udat raychɔs, na blɛs i de blɛs in os.

Matyu 21:19

I si wan fig tik, klos di rod, so i go to di tik, bɔt i nɔ mit natin pan am pas lif. Nain i tɛl di tik se, “Yu nɔ go bia natin igen!” Nain di fig tik day wantɛm.

Matyu 23:8

Una nɔ fɔ mek pipul kɔl una ‘Ticha,’ bikɔs na wangren Ticha una gɛt, ɛn una ɔl na brɔda ɛn sista.

Jɔn 4:31

Da sem tɛm de Jizɔs in lanin bɔy dɛn bin de tɛl Jizɔs mek i it sɔntin, dɛn se, “Ticha, duya, tray it sɔntin!”