Mak 11:14 - Krio Fɔs Oli Baybul

¹⁴ Jizɔs swɛ di tik, i se, “Yu nɔ go bia natin igen.” Di lanin bɔy dɛn yɛri wetin Jizɔs tɔk.

Mak 11:14 Referans Kwoze

Matyu 21:19

I si wan fig tik, klos di rod, so i go to di tik, bɔt i nɔ mit natin pan am pas lif. Nain i tɛl di tik se, “Yu nɔ go bia natin igen!” Nain di fig tik day wantɛm.

Jɔn 15:6

Ɛnibɔdi we nɔ de wit mi ɔltɛm, Gɔd go ib am na do; i go tan lɛkɛ an pan tik, we dray we dɛn kin kɔt trowe; dɛn go gɛda dɛn an ya ib dɛn na faya, we dɛn go bɔn insay.

Matyu 7:19

Dɛn go kɔt ɛni tik we nɔ de bia gud tin fɔ it ɛn trowe am na faya.

Matyu 3:10

Di aks we fɔ tek kɔt di tik dɛn rut dɔn rɛdi naw; ɔl dɛn tik we nɔ de bia gud tin fɔ it, dɛn go kɔt dɛn ɛn trowe dɛn na faya.

Rɛvɛleshɔn 22:11

Lɛ di pɔsin we de du bad nɔ lɛf fɔ du bad igen o, mek ɛnibɔdi we de du dɛn dɔti tin nɔ lɛf fɔ du dɛn igen o, mek ɛnibɔdi we de du rayt nɔ lɛf fɔ du rayt, ɛn mek di pɔsin we de waka wit Gɔd nɔ lɛf fɔ waka wit Gɔd.”

Matyu 21:44

Di pɔsin we go fɔdɔm pan dis ston ya go brok in bon dɛn, ɛn if di ston fɔdɔm pan ɛnibɔdi, i go gren am.]”

Pita In Sɛkɛn Lɛta 2:20

If pipul dɔn no wi Masta Jizɔs Krays, ɛn i dɔn pul dɛn kɔmɔt pan dɛn layf we de pwɛl pɔsin na dis wɔl, dɔn dɛn tɔn bak go liv dɛn kayn bad layf de bak ɛn dɛn nɔ ebul lɛf dɛn igen, dɛn layf go bad pas aw i bin tan bifo dɛn no Jizɔs Krays.

Matyu 21:33

“Una yɛri dis ɔda parebul. Wan man bin de we gɛt grɔn, i plant wan kayn tin we nem grepvayn, i mek ston wɔl rawnd am ɛn dig dip ol fɔ mek wayn wit di greps, dɔn i bil wan ples ɔp di wɔl we pɔsin go sidɔm fɔ wach di gadin. I rɛnt di gadin gi sɔm pipul, dɔn i go patrol na ɔda kɔntri.

Mak 11:13

I si wan fig tik we bin gɛt plɛnti lif, so Jizɔs go luk di tik fɔ si if i de bia. Wɛn i rich klos di tik, i si se na soso lif nɔmɔ kɔba am, bikɔs nɔto bin di tɛm dat fɔ mek i bia.

Mak 11:15

Wɛn Jizɔs rich Jerusɛlɛm, i go na Gɔd in Os ɛn drɛb dɛn pipul we bin de bay ɛn sɛl insay de. I tɔn oba dɛn tebul we pipul bin de chenj kɔpɔ pan, ɛn dɛn bɛnch we pipul kin sidɔm pan fɔ sɛl pijin.