Mak 10:52 - Krio Fɔs Oli Baybul

⁵² Jizɔs se, “Go, di biliv we yu biliv dɔn mek yu wɛl.” I bigin si wantɛm, i fala Jizɔs.

Mak 10:52 Referans Kwoze

Matyu 9:22

Jizɔs tɔn rawnd; wɛn i si di uman, i se, “Mi pikin, nɔ mek yu at pwɛl! Di biliv we yu biliv pan mi dɔn mek yu wɛl.” Nain di uman wɛl wantɛm.

Lyuk 7:50

Jizɔs se, “Uman, bikɔs yu biliv pan mi, Gɔd dɔn sev yu. Saful ya, go wit kol at!”

Mak 8:25

Jizɔs tɔch di man in yay igen. Di man ebul si gud, i bigin si ɔltin klia wan.

Mak 5:34

Jizɔs se, “Mi pikin, bikɔs yu biliv, yu dɔn wɛl, go wit kol at ya, da kayn sik de nɔ go kam pan yu igen.”

Jɔn 9:32

Frɔm we Gɔd mek di wɔl, nɔbɔdi nɔ yɛri wande se, dɛn dɔn mɛn pɔsin we bɔn blɛn.

Matyu 15:28

Jizɔs se, “Yu na uman we biliv gud gud! Mek wetin yu want bi.” Di pikin wɛl da sem tɛm de.

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

Mak 1:31

Jizɔs go ol di uman in an ɛn ɛp am fɔ grap, nain di fiva kɔmɔt pan am. I gi Jizɔs ɛn in lanin bɔy dɛn tin fɔ it.

Matyu 21:14

Dɛn blɛnyay pipul ɛn dɛn wan we dɛn an ɔ fut day kam mit Jizɔs, ɛn i mɛn dɛn.

Matyu 12:22

Sɔm pipul dɛn briŋ wan blɛnyay ɛn mumu man kam mit Jizɔs. Di man bin blɛn ɛn na bin mumu bikɔs dɛbul bin de insay am. Jizɔs mɛn am ɛn di man ebul fɔ tɔk ɛn si.

Jɔn 9:39

Jizɔs se, “A kam na dis wɔl fɔ jɔj, so dat dɛn blɛnyay pipul go si ɛn dɛn wan we de si go blɛn.”

Matyu 11:5

dɛn pipul we bin blɛn, de si; dɛn wan we nɔ bin ebul waka, de waka; dɛn wan we bin gɛt bad sik na dɛn skin, dɔn wɛl; dɛn wan we bin dɛf, dɔn yɛri; dɛn dayman dɔn gɛt layf bak; ɛn dɛn po pipul dɔn yɛri di Gud Nyuz.

Ayzaya 35:5

Na datɛnde blɛnyay man in yay go opin, ɛn dɛfyɛs man in yes go opin;

Di Sam Dɛm 146:8

PAPA GƆD de mek blɛnyay man si, PAPA GƆD de kɔrej udat in at pwɛl, PAPA GƆD lɛk udat de du tin tret wan.

Di Sam Dɛm 33:9

Bikɔs wetin i tɔk de bi; na kɔmand, nɔmɔ i gi ɔltin we de na wɔl, ɛn dɛn kam wantɛm.

Lyuk 9:48

I tɛl in lanin bɔy dɛn se, “Ɛnibɔdi we tɛl lili pikin lɛkɛ dis wan ya fɔ kam nain os fɔseka mi, na mi da pɔsin de dɔn tɛl fɔ kam nain os; ɛnibɔdi we tɛl mi fɔ kam nain os, dɔn tɛl di Wan we sɛn mi fɔ kam nain os. Di pɔsin we una nɔ tek bɛtɛ yay luk, nain go bi impɔtant pas una ɔl.”

Matyu 8:3

Jizɔs tret in an ɛn tɔch di man ɛn se, “A gri fɔ mɛn yu. Wɛl naw!” Di man wɛl wantɛm.