Mak 10:48 - Krio Fɔs Oli Baybul

⁴⁸ Plɛnti pipul ala pan am fɔ sɛt in mɔt, bɔt na di mɔ i ala lawd wan se, “Yu, we na Devid in pikin, sɔri fɔ mi, sa!”

Mak 10:48 Referans Kwoze

Di Ibru Pipul Dɛn 5:7

Wɛn Jizɔs bin de na dis wɔl, i ala lawd ɛn kray wɛn i de pre to Gɔd we ebul sev am, mek i nɔ day. Gɔd yɛri di pre we Jizɔs bin pre bikɔs Jizɔs bin gri fɔ du ɔl wetin Gɔd want am fɔ du.

Lyuk 18:39

Dɛn pipul we bin de waka bifo Jizɔs tɔk pan di man, dɛn tɛl am fɔ sɛt in mɔt, bɔt na di mɔ i de ala se, “Jizɔs we na Devid in pikin, sɔri fɔ mi!”

Mak 5:35

Wɛn Jizɔs bin de tɔk to di uman, nain sɔm pipul kam tɛl Jayrɔs se mek i nɔ wɔri di Masta igen, bikɔs in pikin dɔn day.

Matyu 20:31

Di pipul dɛn tɔk pan dɛn mek dɛn sɛt mɔt; bɔt na di mɔ dɛn bin de ala se, “Yu we na Devid in pikin, sɔri fɔ wi, sa!”

Matyu 19:13

Sɔm pipul kɛr pikin dɛn to Jizɔs, so dat i go put in an pan dɛn ɛn pre fɔ dɛn. Bɔt di lanin bɔy dɛn tɔk pan di pipul dɛn.

Jɛrimaya 29:13

Una go luk fɔ mi ɛn una go fɛn mi; we una luk fɔ mi wit ɔl una at,

Di Sam Dɛm 62:12

In lɔv fɔ wi nɔ go ɛva chenj. PAPA GƆD yu go mɔs gi ɔlman di pe we i fɔ gɛt.

Lɛta Fɔ Ɛfisɔs 6:18

Una fɔ pre ɔltɛm fɔ ɔltin bay aw Gɔd in Spirit de tɛl una. Una fɔ waydawek ɛn una nɔ fɔ taya fɔ pre ɔltɛm fɔ Gɔd in pipul dɛn.

Matyu 9:27

Wɛn Jizɔs kɔmɔt na da ples de, de go, tu blɛnyay man bin de fala am, de ala se, “Yu we na Devid in pikin, sɔri fɔ wi, sa!”

Mak 10:13

Sɔm pipul bin kɛr dɛn pikin go to Jizɔs fɔ mek i put an pan dɛn ed ɛn blɛs dɛn, bɔt in lanin bɔy dɛn tɛl di pipul dɛn nɔ fɔ ambɔg Jizɔs.