Mak 10:47 - Krio Fɔs Oli Baybul

⁴⁷ Wɛn i yɛri se na Jizɔs we kɔmɔt Nazarɛt de pas, i bigin ala se, “Jizɔs, yu we na Devid in pikin, sɔri fɔ mi, sa!”

Mak 10:47 Referans Kwoze

Mak 1:24

“Jizɔs we kɔmɔt Nazarɛt, us biznɛs yu gɛt wit wi? Yu kam ya fɔ kil wi? A no udat na yu, a no se yu kɔmɔt to Gɔd ɛn yu dɔn gi Gɔd yu layf fɔ tru.”

Rɛvɛleshɔn 22:16

“Mi, Jizɔs dɔn sɛn mi enjɛl go tɛl una dɛn tin ya fɔ mek una tɛl dɛn Kristiɛn na dɛn chɔch. Mi na wan pan Devid in grampikin pikin dɛm ɛn mi na di mɔnin sta we de shayn brayt.”

Matyu 9:27

Wɛn Jizɔs kɔmɔt na da ples de, de go, tu blɛnyay man bin de fala am, de ala se, “Yu we na Devid in pikin, sɔri fɔ wi, sa!”

Jɔn 7:52

In kɔmpin dɛn aks am se, “Na Galili yusɛf kɔmɔt? Tek tɛm luk wetin dɛn rayt na Gɔd in Buk, yu go no se prɔfɛt nɔ kɔmɔt na Galili wande.”

Matyu 26:71

Nain Pita kɔmɔt de, i go tinap klos di get na di yad. Wan ɔda gyal we de wok na di ples mit am de, i tɛl di man dɛn we bin tinap klos de se, “Dis man bin de wit Jizɔs we kɔmɔt Nazarɛt.”

Matyu 15:22

Wan Kenan uman, we bin kɔmɔt na wan ples we bin de klos Taya ɛn Saydɔn, kam mit Jizɔs ɛn se, “Masta, yu we na Devid in pikin, sɔri fɔ mi! Mi gyal pikin sik bad bikɔs dɛbul de tɔmɛnt am.”

Apɔsul Dɛn Wok 6:14

Wi dɔn yɛri i de tɔk se Jizɔs, da man we kɔmɔt Nazarɛt, go brok Gɔd in Os kam dɔŋ ɛn i go chenj ɔl wetin Mozis bin lan wi grampapa papa dɛn we wi de du tide.”

Jɔn 19:19

Paylet mek dɛn rayt sɔntin we dɛn put pan Jizɔs in krɔs. Dɛn rayt se, “Jizɔs we kɔmɔt Nazarɛt, di Ju pipul dɛn Kiŋ.”

Jɔn 7:41

Sɔm ɔda pipul dɛn se, “Dis man ya na di Mɛsaya!” Bɔt sɔm ɔda wan dɛn se, “Di Mɛsaya nɔ go kɔmɔt na Galili.

Jɔn 1:46

Natanyɛl aks Filip se, “Ɛni tin gud kin kɔmɔt Nazarɛt?” Filip ansa am se, “Kam luk!”

Lyuk 4:16

Jizɔs go Nazarɛt. Na di tɔŋ dat we i de frɔm we i lili te i big. Wɛn di de fɔ pre ɛn blo, kam, i go na di Ju mitin os lɛkɛ aw i bin dɔn yus fɔ du. I tinap fɔ rid Gɔd in Buk to di pipul dɛn.

Matyu 21:11

Di wan dɛn we go fɔ di Pasova ɔlide tɛl dɛn se, “Dis na prɔfɛt Jizɔs we kɔmɔt Nazarɛt we de na Galili.”

Matyu 21:9

Di pipul dɛn we bin de bifo am ɛn di wan dɛn we bin de fala am bin de ala se, “Mek ɔlman prez Devid in pikin! Mek Gɔd blɛs di wan we i dɔn sɛn fɔ kam tinap fɔ am! Mek ɔlman prez Gɔd!”

Matyu 20:30

Tu blɛnyay man bin sidɔm klos di rod; wɛn dɛn yɛri se Jizɔs de pas, dɛn bigin ala se, “Yu we na Devid in pikin, sɔri fɔ wi, sa.

Matyu 12:23

Di mɛn we Jizɔs mɛn di man mek ɔlman wɔnda. Dɛn se, “Fɔ se dis man na Devid in pikin?”

Matyu 2:23

i go tap na wan tɔŋ we nem Nazarɛt. So wetin di prɔfɛt dɛn bin dɔn tɔk bɔt Jizɔs kam bi tru. Dɛn bin se, “Dɛn go kɔl am pɔsin we kɔmɔt Nazarɛt.”

Matyu 1:1

Na Jizɔs Krays in fambul dɛn, frɔm Ebraam in tɛm dɛn wan ya: Jizɔs Krays na wan pan Devid in grampikin pikin dɛm, ɛn Devid na wan pan Ebraam in grampikin pikin dɛm.

Ayzaya 11:1

Smɔl plant go bɔs kɔmɔt na Jɛsi in af tik we lɛf na grɔn, ɛn branch go gro kɔmɔt nain rut.