Mak 10:45 - Krio Fɔs Oli Baybul

⁴⁵ Mɔtalman Pikin insɛf nɔ kam fɔ mek pipul bi in savant, i kam fɔ bi dɛn savant, ɛn fɔ gi in layf fɔ sev plɛnti plɛnti pipul.”

Mak 10:45 Referans Kwoze

Matyu 20:28

una fɔ tan lɛkɛ Mɔtalman Pikin, we nɔ kam fɔ mek mɔtalman bi in savant, bɔt i kam fɔ bi dɛn savant ɛn fɔ gi in layf fɔ sev plɛnti plɛnti pipul.”

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Jɔn 13:14

If mi, we na una Masta ɛn Ticha, dɔn was una fut, unasɛf fɔ was una kɔmpin dɛn fut.

Di Ibru Pipul Dɛn 5:8

Bɔt ivin we Jizɔs na bin Gɔd in Pikin, di sɔfa we i sɔfa mek i no gud wan wetin i min fɔ du wetin Gɔd se.

Pita In Fɔs Lɛta 1:19

bɔt na Krays in yon blɔd dɛn tek pe fɔ una, Krays we na lɛkɛ Ship we nɔ gɛt bɔt.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Daniɛl 9:26

Wɛn di siksti tu wik go dɔn dɔn, dɛn go kil di pɔsin we dɛn dɔn anɔynt ɛn i go tɔn po man. Ɛn di prins we go gɛt fɔ kam, in pipul dɛm go nyakanyaka di siti ɛn di ples we dɛn de pre. Ɔltin go dɔn wantɛm wantɛm. Bay di tɛm we ɔltin go dɔn, wa go fɔdɔm. I go bi lɔ se dɛn fɔ nyakanyaka di siti.

Lɛta Fɔ Galeshya 3:13

Jizɔs Krays dɔn mek di Lɔ tap fɔ kɔndɛm wi lɛkɛ aw i bin de kɔndɛm wi bifo, bikɔs i gri mek dɛn kɔndɛm am fɔ day na di krɔs fɔseka wi; lɛkɛ aw dɛn rayt na Gɔd in Buk we dɛn se, “Gɔd go kɔndɛm ɛnibɔdi we dɛn ɛŋ pan tik.”

Daniɛl 9:24

“Dɛn dɔn put sɛvinti tayms sɛvin ia, we na lɔ fɔseka una oli siti ɛn yu pipul dɛn, fɔ tap wikɛdnɛs, fɔ tap sin, ɛn fɔ pe fɔ di bad bad tin dɛn, lɛ pipul de waka tret ɔltɛm, fɔ kɔba di vishɔn ɛn di prɔfɛt ɛn fɔ pre fɔ wan ples we go oli pas ɔl mek i go klin.

Mak 10:44

Ɛni wan pan una we want fɔ de bifo, da pɔsin de fɔ wok fɔ una ɔl lɛkɛ se in na una slev.