Mak 10:38 - Krio Fɔs Oli Baybul

³⁸ Jizɔs se, “Una nɔ no wetin una de tɔk; una go ebul drink na di kɔp we a go drink, ɛn baptayz lɛkɛ aw a go baptayz?”

Mak 10:38 Referans Kwoze

Lyuk 12:50

Bɔt bifo da faya de bigin bɔn, a gɛt fɔ baptayz difrɛn we, dat na di sɔfa we A fɔ sɔfa ɛn mi at nɔ go kol te a dɔn sɔfa dɔn.

Jɔn 18:11

Jizɔs tɔn to Saymɔn Pita, i se, “Put yu sɔd bak na di ples we i bin de! Yu tink se a nɔ go sɔfa di sɔfa we mi Papa dɔn mak fɔ mi?”

Ayzaya 51:22

Na dis PAPA GƆD we na una Gɔd se, una Gɔd we de tɔk fɔ in pipul dɛn: “Luk, a dɔn tek di kɔp na una an we de mek pipul staga; una nɔ go drink pan di bol we mi veksteshɔn de, igen igen;

Di Sam Dɛm 75:8

PAPA GƆD gɛt wan kɔp we nainsay de i de put ɔl di vɛks we i dɔn vɛks, dis kɔp ya nain jɔjmɛnt. Di vɛks we i dɔn vɛks na di wayn insay di kɔp, i de gi di pɔsin we de du bad di wayn fɔ drink; i go mek i drink ɔl di kɛtɛkɛmu makoloŋ.

Jems 4:3

Sɔntɛm una kin aks Gɔd fɔ sɔntin ɛn Gɔd nɔba gi una, bikɔs di rizin we mek una aks nɔ rayt. Una aks fɔ dɛn tin we fɔ mek una nɔmɔ satisfay.

Lɛta Fɔ Rom 8:26

Semwe so, Gɔd in Spirit de ɛp wi, we wi nɔ ebul biliv pan Gɔd gud gud yet. Wi nɔ no aw fɔ pre, na Gɔd in Spirit insɛf de tɔk to Gɔd fɔ wi; di pini we i de pini gɛt minin to Gɔd we mɔtalman nɔ ebul ɔndastand ɔ tɔk.

Lyuk 22:42

i se, “Papa, if yu gri, duya, nɔ mek a sɔfa dis sɔfa we a fɔ sɔfa, bɔt ɛniwe, nɔ du wetin a want, du wetin yu want.” [

Mak 14:36

I se, “Mi Papa, yu ebul du ɔltin, duya, nɔ mek a sɔfa dis sɔfa we a fɔ sɔfa, bɔt ɛniwe, nɔ du wetin a want, du wetin yu want.”

Matyu 26:39

I lɛf dɛn ɛn go bifo say lili bit, i ledɔm flat wit in fes na grɔn, ɛn pre se, “Mi Papa, if we de, pul dis sɔfa we a fɔ sɔfa kɔmɔt, ɛniwe, nɔto wetin mi want, na wetin yu want.”

Jɛrimaya 45:5

PAPA GƆD se, Yu de luk fɔ big tin fɔ yusɛf? Nɔ luk fɔ big tin; bikɔs, mi de tɛl yu se, a go du bad bad tin to ɔlman na wɔl, bɔt a go gi yu yu layf as prayz fɔ wa ɔlsay we yu go.”

1 Kiŋ 2:22

Kiŋ Sɔlɔmɔn tɛl in mama se if i kin aks am fɔ lɛ i mek Abishag mared to Adonayja, i fɔ jɛs aks am wantɛm fɔ mek Adonayja bi kiŋ sins nain na di big wan ɛn Abiata we de mek sakrifays fɔ pipul sin wit Joab we na Zɛruaya in bɔypikin dɛn ɔl go de biɛn am.

Jɛrimaya 25:15

Na dis PAPA GƆD we na Izrɛl dɛn Gɔd tɛl mi: “Tek di kɔp we gɛt di wayn ɔf vɛksteshɔn na mi an, ɛn mek ɔl di neshɔn dɛn we a de sɛn yu go, drink pan am.

Matyu 3:6

Dɛn kin tɛl Gɔd ɔl di bad tin dɛn we dɛn dɔn du, dɛn Jɔn kin baptayz dɛn na Riva Jɔdan.