Mak 10:33 - Krio Fɔs Oli Baybul

³³ Jizɔs se, “Una lisin mi, wi de go na Jerusɛlɛm, pipul go ol Mɔtalman Pikin ɛn an am oba gi di bigman dɛn we de mek sakrifays fɔ pipul sin ɛn di Ju Lɔ ticha dɛn. Dɔn dɛn go an am oba gi dɛn pipul we nɔto Ju fɔ mek dɛn kil am.

Mak 10:33 Referans Kwoze

Matyu 27:2

Dɛn mek pipul tay Jizɔs wit chen, dɔn dɛn kɛr am go ɛn an am gi Paylet we na bin di Roman gɔvna.

Mak 8:31

I tɛl dɛn se, “Mɔtalman Pikin go sɔfa plɛnti. Di Ju bigman dɛn, di bigman dɛn we de mek sakrifays fɔ pipul sin, ɛn di Ju Lɔ ticha dɛn go se dɛn nɔ no am ɛn dɛn go kil am. I go de na di grev, bɔt i go rayz di de we mek tri.”

Matyu 26:66

Wetin una se?” Di mɛmba dɛn na di Ju gran kot se, “Dis man dɔn du bad, dɛn fɔ kil am.”

Matyu 16:21

Frɔm dat tɛm de, Jizɔs bigin tɛl in lanin bɔy dɛn plen wan se, in gɛt fɔ go Jerusɛlɛm, ɛn di bigman dɛn we de mek sakrifays fɔ pipul sin, di ɔda Ju bigman dɛn, ɛn di Ju Lɔ ticha dɛn go mek i sɔfa plɛnti. Dɛn go mek pipul kil am, bɔt in go rayz frɔm di grev di de we mek tri.

Jems 5:6

Una dɔn kɔndɛm dɛn pipul we nɔ du una natin; dɛn nɔ se fiŋ, ɛn una dɔn kil dɛn.

Apɔsul Dɛn Wok 20:22

Naw, a de go Jerusɛlɛm fɔ du wetin Gɔd in Spirit tɛl mi fɔ du. A nɔ no wetin dɛn go du mi wɛn a rich de.

Apɔsul Dɛn Wok 13:27

Dɛn pipul na Jerusɛlɛm ɛn dɛn bigman nɔ bin no se nain de sev wi ɛn dɛn nɔ bin sabi wetin dɛn kin de rid di de fɔ pre ɛn blo, we dɛn prɔfɛt bin dɔn rayt. Bɔt wɛn dɛn kɔndɛm Jizɔs, dɛn mek wetin dɛn prɔfɛt bin dɔn rayt bɔt am kam bi tru.

Jɔn 19:11

Jizɔs se, “Yu nɔ bin fɔ gɛt pawa oba mi if Gɔd nɔ bin gi yu da pawa de. Na dat mek, da man we mek dɛn briŋ mi kam bifo yu in sin bad pas yu yon.”

Jɔn 18:28

Ali mɔnin di gyad dɛn go pul Jizɔs na Kaye fas in os kɛr am go na di gɔvnain os. Di Ju bigman dɛn nɔ go insay di gɔvnain os, bikɔs dɛn Ju Lɔ se if dɛn go insay os we pipul we nɔto Ju tap, dɛn nɔ go klin na Gɔd yay, ɛn dat go mek dɛn nɔ fit fɔ it pan di it we dɛn mek fɔ di Pasova.

Lyuk 23:21

bɔt di pipul dɛn ala big wan se, “Nel am pan di krɔs! Nel am pan di krɔs!”

Lyuk 9:22

I se, “Dɛn Ju bigman, dɛn bigman we de mek sakrifays fɔ pipul sin ɛn dɛn Ju Lɔ ticha go mek Gɔd in Pikin sɔfa plɛnti ɛn dɛn go mek lɛkɛ se dɛn nɔ sabi am sɛf. Dɛn go kil am ɛn bɛr am. Bɔt i go rayz frɔm di grev di de we mek tri.”

Mak 15:1

Wɛn do klin, di bigman dɛn we de mek sakrifays fɔ pipul sin, di ɔda Ju bigman dɛn, di Ju Lɔ ticha dɛn, ɛn ɔl di ɔda mɛmba dɛn na di Ju gran kot go ɛŋ ed. Dɛn mek dɛn tay Jizɔs ɛn kɛr am go bifo Paylet.

Mak 14:64

Unasɛf dɔn yɛri di bad tin we i tɔk bɔt Gɔd, wetin una se?” Ɔl di bigman dɛn we bin de jɔj na di Ju gran kot kɔndɛm Jizɔs ɛn se i fɔ day.

Mak 9:31

bikɔs i bin de lan in lanin bɔy dɛn. I se, “Dɛn go ol Mɔtalman Pikin ɛn an am oba gi pipul we go kil am. I go rayz frɔm di grev di de we mek tri.”

Ayzaya 53:3

Mɔtalman dɛn luk dɔŋ pan am ɛn shub am fa; na man we gɛt pen ɛn brok at, ɛn na lɛk udat pipul dɛn de ayd fes pan dɛn luk dɔŋ pan am, ɛn wi nɔ rɛspɛkt am atɔl.

Mak 9:12

Jizɔs ansa se, “Ilayja mɔs kam ɛn rɛdi ɔltin. Bɔt wetindu dɛn rayt na Gɔd in Buk se Mɔtalman Pikin go sɔfa plɛnti ɛn pipul nɔ go tek am mek natin?

Jɔn 18:32

(Ɔl dis bi fɔ mek wetin Jizɔs bin dɔn tɔk bɔt di kayn day we i go day, kam bi tru.)