Mak 10:30 - Krio Fɔs Oli Baybul

³⁰ Gɔd go gi am ɔndrɛd tɛm pas wetin i bin gɛt: os, brɔda, sista, mama ɛn papa, pikin ɛn fam; ɛn pipul go mek i sɔfa bad wan na dis wɔl, bɔt Gɔd go gi am layf we go de sote go na di wɔl we gɛt fɔ kam.

Mak 10:30 Referans Kwoze

Lɛta Fɔ Filipay 3:8

Natin sɛf nɔ de na wɔl we min ɛnitin to mi igen fɔseka Krays, bikɔs fɔ no am bɛtɛ fawe pas ɛnitin na wɔl. Fɔ in sek a dɔn lɛf ɔltin so dat Krays go tek mi lɛkɛ in yon. Ɔl dɛn tin we a bin de du fɔstɛm, a luk se dɛn nɔ bɛtɛ naw, bikɔs Krays dɔn bi mi gen;

Lyuk 18:30

Gɔd go mek i gɛt bɔku pas wetin i lɛf fɔ fala mi yon we, ɛn i go gi am layf we go de sote go na di wɔl we gɛt fɔ kam.”

2 Kɔrint 6:10

pan ɔl we wi at ebi, wi de laf ɔltɛm; i tan lɛkɛ se wi po, bɔt wi de mek plɛnti pipul jɛntri; i tan lɛkɛ se wi nɔ gɛt natin, bɔt wi gɛt ɔltin.

Jems 1:12

Pɔsin we nɔ tap fɔ biliv pan Gɔd wɛn trɔbul mit am gɛt blɛsin, bikɔs if i stil tinap traŋa afta trɔbul dɔn mit am, Gɔd go gi am di tru layf we i bin dɔn prɔmis dɛn wan we lɛk am.

Malakay 3:10

I se dɛn fɔ briŋ ɔl dɛn tayth kam na PAPA GƆD in os ɛn natin nɔ fɔ lɛf, so dat it go de de fɔ pipul dɛn; ɛn we dɛn du so, dat go bi fɔ si if PAPA GƆD Ɔlmayti nɔ go opin di winda dɛn na ɛvin ɛn sɛn blɛsin kam dɔŋ.

Jems 5:11

Wi se Gɔd blɛs dɛn bikɔs dɛn bia. Una no aw Job bin bia lɔŋ wɛn i bin de sɔfa, ɛn una si aw Gɔd kam blɛs am. Ɔl dat fɔ mek una no se fɔ tru, Gɔd de sɔri fɔ wi wɛn wi de sɔfa, ɛn i de sɔri fɔ wi pan ɔl we wi du tin we fɔ mek i vɛks.

Prɔvabs 16:16

I bɛtɛ o! I bɛtɛ fɔ lɛ pɔsin chuz fɔ gɛt sɛns pas fɔ pak bɔku gold ɛn silva.

Rɛvɛleshɔn 3:18

So a de advays una mek una kam to mi kam bay gold, we dɛn dɔn bɔn na faya te i klin so dat una go jɛntri fɔ tru; ɛn a de advays una igen mek una kam bay wayt klos fɔ wɛr, so dat una nɔ go shem bikɔs una de nekɛd, ɛn mek una kam bay mɛrɛsin fɔ rɔb na una yay mek una go si.

Fɔs Lɛta To Timoti 6:6

Fɔ du wetin Gɔd want de mek pɔsin jɛntri, if da pɔsin de satisfay wit in layf ɛn gladi fɔ di wok we i de du.

Apɔsul Dɛn Wok 5:41

Di apɔsul dɛn bin gladi bad wɛn dɛn de kɔmɔt na di Ju gran kot bikɔs dɛn bin no se Gɔd pik dɛn fɔ sɔfa fɔseka Jizɔs.

2 Kronikuls 25:9

Nain Amazaya ansa di man ɔf Gɔd se, “Bɔt we di tri tawzin fo ɔndrɛd kilogram silva we a dɔn gi di Izrɛl ami? Nain di man ɔf Gɔd ansa am se, “PAPA GƆD ebul gi yu pas dat.”

Jɔn In Fɔs Lɛta 3:1

Mi pikin dɛn we a lɛk, Gɔd so lɛk wi dat i kɔl wi in yon pikin dɛn ɛn wi nain pikin dɛn, fɔ tru. Plɛnti pipul dɛn na wɔl nɔ no se wi na Gɔd in pikin dɛn, bikɔs dɛn nɔ no Gɔd.

Sɛkɛn Lɛta Fɔ Tɛsalonayka 2:16

Wi de pre mek wi Masta Jizɔs Krays insɛf, ɛn Gɔd we na wi Papa, we lɛk wi ɛn mek wi gɛt kɔrej ɔltɛm bikɔs i gud ɛn mek wi ebul bia wet fɔ wetin gud,

Lɛta Fɔ Rom 6:23

Day na sin in pe, bɔt layf we go de sote go, nain Gɔd gi wi fri. Wi gɛt di layf we go de sote go bikɔs wi gɛt wanwɔd wit Jizɔs Krays we na wi Masta.

Lɛta Fɔ Rom 5:3

Nɔto dat nɔmɔ, bɔt wi gladi sɛf fɔ sɔfa lɛkɛ aw wi de sɔfa, bikɔs wi no se di sɔfa we wi de sɔfa de mek wi gɛt maynd fɔ bia,

Apɔsul Dɛn Wok 16:25

Pɔl ɛn Saylas bin de pre ɛn siŋ to Gɔd; na bin midul nɛt. Di pipul dɛn we bin de na dɛn ɔda sɛl bin de yɛri we Pɔl ɛn Saylas de pre ɛn siŋ to Gɔd.

Jɔn 10:23

Jizɔs bin de waka na wan say we dɛn kɔl “Sɔlɔmɔn Pɔch,” na Gɔd in Os.

Matyu 12:32

Gɔd go padin ɛnibɔdi we tɔk sɔntin we nɔto tru bɔt Mɔtalman Pikin, bɔt Gɔd nɔ go padin ɛnibɔdi we tɔk bad bɔt in Spirit; i nɔ go padin am na dis wɔl, i nɔ go padin am na nɛks wɔl.

Matyu 6:33

Una fɔ put una at gud pan dɛn tin we impɔtant na di say we Gɔd de rul ɛn du di rayt tin we Gɔd want una fɔ du fɔs, da tɛm de i go gi una ɔl dɛn tin ya.

Rɛvɛleshɔn 2:9

A no di waala we dɔn mit una, a no se una po, bɔt una nɔ po, una jɛntri. A no igen se, dɛn pipul we de lay, we se dɛn na Ju, de tɔk bad bɔt una. Dɛn nɔto Ju atɔl, na Setan dɛn de fala.

Di Sam Dɛm 84:11

Bikɔs PAPA GƆD we na wi Gɔd na san we de gi layt ɛn big shild we de protɛkt wi; i de sho wi in lɔv bay aw i de mek bɛtɛ fala wi; I nɔ go se i nɔ de gi wi gud tin dɛn wans i nɔ fɛn fɔlt pan wetin wi de du.

Jɔn In Fɔs Lɛta 2:25

Ɛn di tin we Krays insɛf dɔn prɔmis fɔ gi wi, na layf we go de sote go.

Matyu 13:8

Bɔt sɔm sid fɔdɔm na gud grɔn, ɛn di plant dɛn bia: sɔm bia ɔndrɛd, sɔm bia siksti, ɛn sɔm bia tati.”

Apɔsul Dɛn Wok 14:22

Pɔl ɛn Banabas kɔrej di pipul dɛn we bin biliv pan Jizɔs ɛn dɛn tɛl dɛn mek dɛn biliv pan Jizɔs mɔ ɛn mɔ. Pɔl ɛn Banabas tɛl di pipul dɛn se, “Ɔlman we biliv pan Jizɔs gɛt fɔ sɔfa plɛnti na dis wɔl fɔ mek dɛn go de ɔnda Gɔd in rul.”

Fɔs Lɛta To Timoti 4:8

I gud fɔ tren di bɔdi, bɔt fɔ tren di spirit gud pas ɔl, bikɔs i go ɛp yu na dis layf ɛn na da layf we go de sote go.