Mak 10:29 - Krio Fɔs Oli Baybul

²⁹ Jizɔs se, “A de tɛl una fɔ tru se, ɛnibɔdi we dɔn lɛf os, ɔ brɔda, ɔ sista, ɔ mama, ɔ papa, ɔ pikin dɛn, ɔ fam fɔseka mi ɛn di Gud Nyuz,

Mak 10:29 Referans Kwoze

1 Kɔrint 9:23

Ɔl dɛn tin ya we a de du na fɔ mek di Gud Nyuz go prɛd ɔlɔbɔt, ɛn mek mi ɛn una gɛt pan dɛn blɛsin we di Gud Nyuz de briŋ fɔ wi.

Mak 8:35

Ɛnibɔdi we de tray fɔ sev in layf, go lɔs am; bɔt ɛnibɔdi we lɔs in layf fɔseka mi ɛn di Gud Nyuz, go gɛt di tru layf.

Rɛvɛleshɔn 2:3

Pan ɔl we una dɔn sɔfa plɛnti bikɔs una de fala mi, una de bia ɛn una nɔ lɛf fɔ fala mi.

Matyu 10:18

Dɛn pipul we nɔto Ju go kɛr una go bifo di bigman dɛn we de rul na di kɔntri, bikɔs una de du wetin a tɛl una fɔ du, ɛn una go tɛl dɛn ɛn dɛn yon pipul di Gud Nyuz.

Jɛnɛsis 45:20

I se lɛ dɛn nɔ wɔri bɔt dɛn prɔpati we dɛn de lɛf biɛn, di ples we fayn pas ɔl na Ijipt go bi dɛn yon.

Matyu 6:33

Una fɔ put una at gud pan dɛn tin we impɔtant na di say we Gɔd de rul ɛn du di rayt tin we Gɔd want una fɔ du fɔs, da tɛm de i go gi una ɔl dɛn tin ya.

Matyu 19:29

Ɛnibɔdi we lɛf os, ɔ brɔda, ɔ sista, ɔ papa, ɔ mama, ɔ pikin dɛn, ɔ prɔpati fɔ bi mi lanin bɔy, Gɔd go mek i gɛt bɔku pas wetin i lɛf ɛn i go gi am layf we go de sote go.

Lyuk 18:29

Jizɔs tɛl dɛn se, “Mek a tɛl una, ɛnibɔdi we dɔn lɛf os, ɔ wɛf, ɔ brɔda dɛn, ɔ mama, ɔ papa, ɔ pikin dɛn fɔseka Gɔd in rul,