Mak 10:24 - Krio Fɔs Oli Baybul

²⁴ Di wɔd we Jizɔs tɔk mek di lanin bɔy dɛn wɔnda, bɔt Jizɔs tɔk igen se, “Mi pikin dɛn, i traŋa fɔ pɔsin fɔ kam ɔnda Gɔd in rul.

Mak 10:24 Referans Kwoze

Prɔvabs 11:28

Udat put in yay pan in jɛntri go fɔdɔm lɛk dray lif; bɔt gud pɔsin go frɛsh lɛkɛ grin lif.

Rɛvɛleshɔn 3:17

Una de tɔk se una jɛntri, di tin dɛn we una gɛt, dɔn plɛnti, ɛn natin nɔ de we una fɔ gɛt we una nɔ gɛt. Bɔt una nɔ kechɔp se una po, ɛn pipul de sɔri fɔ una, una de nekɛd ɛn una yay blɛn.

Fɔs Lɛta To Timoti 6:17

As fɔ dɛn wan we jɛntri na dis wɔl, tɛl dɛn mek dɛn nɔ prawd, ɛn mek dɛn nɔ abop pan dɛn jɛntri, we sɔntɛm nɔ go de tumara; mek dɛn abop pan Gɔd we de gi wi ɔltin plɛnti plɛnti fɔ mek wi at gladi.

Di Sam Dɛm 52:7

“Luk di man we nɔ abop pan PAPA GƆD fɔ kɔba am, di man we abop pan in jɛntri ɛn we de yuz in pawa fɔ pwɛl pipul.”

Lyuk 16:14

Wɛn di Faresi dɛn yɛri wetin Jizɔs tɔk, dɛn laf am bikɔs dɛn na pipul we lɛk mɔni.

Prɔvabs 18:11

We man gɛt mɔni, prɔblɛm nɔ de ebul am; i kin de fil se in mɔni na ɔltin.

Di Sam Dɛm 62:10

Nɔ fɛt fɔ gɛt mɔni di rɔŋ we; if ivin yu jɛntri, nɔ put yu at pan yu jɛntri.

Jɔn In Fɔs Lɛta 2:1

Mi pikin dɛn, a de rayt una dis lɛta ya fɔ mek una tap fɔ sin; bɔt if ɛni wan pan una sin, Jizɔs Krays we nɔ gɛt sin, de tɔk to in Papa fɔ wi.

Jɔn 13:33

Mi pikin dɛn, a nɔ go de lɔŋ wit una igen, una go luk fɔ mi, bɔt a de tɛl una wetin a bin dɔn tɛl dɛn Ju bigman, ‘Una nɔ go go na di ples we a de go.’

Zɛfinaya 1:18

We PAPA GƆD dɔn rɛdi fɔ du wetin i want, nɔn mɔni, i lɛk aw i bɔku nɔ go tap am. We PAPA GƆD dɔn jɛlɔs gud, i go jɛs mek faya bɔn ɛn dɔnawe wit ɔlman we tap na wɔl.

Abakɔk 2:9

Ɛnibɔdi we gɛt jɛntri bay kruk ɛn fɛt fɛt, go mɔs alaki pan ɔl we i go de tray fɔ mek ɔltin ɔrayt nain os.

Jɛrimaya 9:23

Na dis PAPA GƆD se, “Le di sɛnsman nɔ bost fɔ in sɛns, le di pawaful man nɔ bost fɔ in trɛnk, ɛn lɛ di jɛntri man nɔ boast bɔt in jɛntri;

Prɔvabs 23:5

bikɔs, sɔntɛm we yu dɔn gɛt am dɔn, ɔl kin flay lɛkɛ briz, dɔn yu lɔs ɔltin.

Di Sam Dɛm 17:14

Pul mi kɔmɔt na dɛn an, dɛn, we na dis wɔl nɔmɔ dɛn abop pan. Bɔt lɛ dɛn wan we lɛk yu gɛt wetin dɛn want ɔltɛm; lɛ dɛn pikin ɛn grampikin dɛnsɛf gɛt pasmak.

Jɔn In Fɔs Lɛta 5:21

Mi pikin dɛn, una nɔ gɛt natin fɔ du wit dɛn tin we mɔtalman mek fɔ pre to we nɔto di tru Gɔd.

Jɔn In Fɔs Lɛta 4:4

Mi pikin dɛn, una na Gɔd yon ɛn di lay prɔfɛt dɛn nɔ ebul una, una dɔn win dɛn, bikɔs Gɔd in Spirit we de insay una gɛt pawa pas di spirit we de insay dɛn pipul we na di wɔl yon pipul.

Lɛta Fɔ Galeshya 4:19

Mi pikin dɛn, mek a tɛl una igen se, di pen we a de fil fɔseka una jɛs tan lɛkɛ di pen we uman kin fil wɛn i want fɔ bɔn. A go fil dis pen ya sote una bi pipul we de fala Krays gud.

Jɔn 21:5

Nain Jizɔs se, “E padi! Una nɔ kech natin?” Dɛn ansa se, “Wi nɔ kech natin.”

Jɔn 6:60

Plɛnti pan di pipul dɛn we bin de fala Jizɔs we yɛri dɛn wɔd ya, se, “Dɛn tin ya we i lan wi tu traŋa. Udat go gri fɔ fala dɛn?”

Matyu 19:25

Wɛn di lanin bɔy dɛn yɛri wetin Jizɔs tɔk, dɛn wɔnda bad wan; dɛn aks am se, “If na so i bi, udat go sev?”

Mak 1:27

Ɔl di pipul dɛn we bin lib de wɔnda sote dɛn bigin aks dɛn kɔmpin se, “Wetin dis? Na nyu tin i de lan wi! Dis man gɛt pawa fɔ tɛl dɛbul wetin dɛn fɔ du ɛn dɛn de du am!”

Mak 10:23

Jizɔs tɔn luk in lanin bɔy dɛn ɛn se, “I traŋa fɔ mek pɔsin we jɛntri kam ɔnda Gɔd in rul.”