Mak 10:2 - Krio Fɔs Oli Baybul

² Di Faresi dɛn aks am kwɛshɔn fɔ tray am; dɛn se, “I rayt fɔ mek man tɛl in wɛf se i nɔ want am fɔ bi in wɛf igen?”

Mak 10:2 Referans Kwoze

Jɔn 8:6

Dɛn tɔk dat fɔ yɛri wetin Jizɔs go se, so dat dɛn kin se i nɔ de du rayt. Bɔt Jizɔs bɛn dɔŋ ɛn bigin rayt na grɔn wit in fiŋa.

Matyu 23:13

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de baŋ do pan pipul fes mek dɛn nɔ go insay di say we Gɔd de rul, unasɛf nɔ de go insay, ɛn una nɔ de gri mek dɛn pipul we want go insay, go de. [

1 Kɔrint 10:9

Wi nɔ fɔ tray Krays ɛn mek i tap fɔ bia wit wi, lɛkɛ aw i bin tap fɔ bia wit sɔm pan dɛn pipul ya, ɛn mek snek bɛt ɛn kil dɛn.

Jɔn 11:57

Dɛn man we de mek sakrifays fɔ pipul sin ɛn di Faresi dɛn bin dɔn tɔk se, if ɛnibɔdi no di say we Jizɔs de, di pɔsin fɔ tɛl dɛn, so dat dɛn go go ol am.

Jɔn 11:47

So di Faresi dɛn ɛn dɛn bigman we de mek sakrifays fɔ pipul sin kɔl mitin wit di ɔda Ju bigman dɛn. Dɛn se, “Wetin wi fɔ du? Una luk ɔl di wɔndaful wok dɛn we dis man ya de du!

Jɔn 7:48

Una no ɛni Ju bigman ɔ ɛni Faresi we biliv pan am?

Jɔn 7:32

Dɛn Ju pipul we dɛn kɔl Faresi yɛri we di pipul dɛn de tɔk dɛn tin ya bɔt Jizɔs saful saful, so di Faresi dɛn ɛn dɛn bigman we de mek sakrifays fɔ pipul sin sɛn sɔm gyad dɛn fɔ go ol Jizɔs.

Lyuk 16:14

Wɛn di Faresi dɛn yɛri wetin Jizɔs tɔk, dɛn laf am bikɔs dɛn na pipul we lɛk mɔni.

Lyuk 11:39

Jizɔs tɛl am se, “Una dɛn Faresi de was kɔp ɛn plet bak klin, bɔt na soso wikɛd tin de insay una at ɛn una bigyay.

Lyuk 7:30

Bɔt di Faresi dɛn ɛn di Ju Lɔ ticha dɛn nɔ gri fɔ du wetin Gɔd tɛl dɛn fɔ du ɛn dɛn nɔ gri mek Jɔn baptayz dɛn.

Lyuk 6:7

Sɔm dɛn Ju Lɔ ticha ɛn dɛn Faresi bin de wach Jizɔs fɔ si if i go mɛn di man di de fɔ pre ɛn blo, so dat dɛn kin blem am na kot.

Lyuk 5:30

Sɔm Faresi ɛn sɔm pan dɛn yon Ju Lɔ ticha dɛn bigin grɔmbul pan Jizɔs in lanin bɔy dɛn. Dɛn se, “Wetin mek una de it ɛn drink wit dɛn pipul we de gɛda taks ɛn dɛn ɔda pipul we nɔ fit fɔ miks wit Ju pipul?”

Mak 8:15

Wɛn dɛn de go, Jizɔs wɔn dɛn. I se, “Una tek tɛm wit di yist we di Faresi dɛn ɛn Ɛrɔd de yus.”

Mak 8:11

Sɔm pan di Faresi dɛn go mit Jizɔs ɛn bigin agyu wit am. Dɛn kam fɔ tray am so dɛn aks am fɔ du wɔndaful wok we go sho se in na di Mɛsaya.

Matyu 22:35

Wan pan dɛn we na Ju Lɔ ticha, aks Jizɔs kwɛshɔn fɔ kech am.

Matyu 19:3

Sɔm Faresi dɛn kam fɔ tray Jizɔs, dɛn aks am se, “Di Ju Lɔ se ɛni man kin tɛl in wɛf se in nɔ want am fɔ bi in wɛf igen?”

Matyu 16:1

Sɔm Faresi ɛn sɔm Sadyusi dɛn bin kam fɔ tray Jizɔs, so dɛn aks am fɔ du wɔndaful wok we go sho se in na di Mɛsaya.

Matyu 15:12

Di lanin bɔy dɛn se, “Yu bin no se, di Faresi dɛn bin vɛks wɛn dɛn yɛri wetin yu tɔk?”

Matyu 9:34

Bɔt di Faresi dɛn se, “Na Setan we na di dɛbul dɛn edman gi Jizɔs pawa fɔ drɛb dɛbul.”

Malakay 2:16

PAPA GƆD we na Izrɛl dɛn PAPA GƆD se in et dayvɔs. PAPA GƆD Ɔlmayti se dat tan lɛk we yu de wɛr yu kɔmpin in klos bay fos. So dɛn fɔ tek tɛm ɛn nɔ de ple wayo.

Mak 10:1

Jizɔs kɔmɔt Kepanyɔm go Judia, dɛn i krɔs Riva Jɔdan. Plɛnti pipul go gɛda rawnd am, ɛn i lan dɛn bɔt Gɔd lɛkɛ aw i kin de du.

Mak 10:3

Jizɔs aks dɛn se, “Wetin Mozis bin tɛl una fɔ du?”