Mak 10:19 - Krio Fɔs Oli Baybul

¹⁹ Yu no dɛn lɔ we se: ‘Yu nɔ fɔ kil yu kɔmpin mɔtalman; mared man nɔ fɔ lɛf in wɛf ɛn kip ɔda uman ɛn mared uman nɔ fɔ lɛf in man go kip ɔda man; yu nɔ fɔ tif; yu nɔ fɔ lay pan yu kɔmpin; yu nɔ fɔ rog; yu fɔ rɛspɛkt yu papa ɛn mama.’”

Mak 10:19 Referans Kwoze

Lɛta Fɔ Rom 13:9

Di lɔ dɛn we Gɔd gi Mozis se, “Man nɔ fɔ lɛf in wɛf go kip ɔda uman ɛn uman nɔ fɔ lɛf in man go kip ɔda man; nɔ fɔ kil; nɔ fɔ tif; ɛn nɔ fɔ gɛt tifyay” ɔl dɛn lɔ ya ɛn ɛni ɔda wan dɛn de insay wan lɔ we se, “Una fɔ lɛk una kɔmpin mɔtalman lɛkɛ aw una lɛk unasɛf.”

Jems 2:11

Gɔd we se, “Yu nɔ fɔ kil pɔsin,” na di sem Gɔd se, “Yu nɔ fɔ lɛf yu mared man ɔ wɛf go fɛn ɔda pɔsin na trit.” If yu nɔ lɛf yu mared man ɔ wɛf go fɛn ɔda pɔsin na trit, bɔt yu kil yu kɔmpin mɔtalman, na Gɔd yay, yu dɔn brok ɔl di lɔ dɛn.

Lyuk 18:20

Yu sabi di Lɔ we se, ‘maredman nɔ fɔ lɛf in wɛf ɛn kip ɔda uman ɛn mare du man nɔ fɔ lɛf in man ɛn kip ɔda man, yu nɔ fɔ kil yu kɔmpin mɔtalman, yu nɔ fɔ tif, yu nɔ fɔ lay pan yu kɔmpin ɛn yu fɔ rɛspɛkt yu papa ɛn yu mama.’”

Fɔs Lɛta Fɔ Tɛsalonayka 4:6

Wɛn i kam pan dis kayn tin, dat na, aw man fɔ biev to uman, i nɔ fɔ du in kɔmpin Kristiɛn bad. Wi bin dɔn wɔn una traŋa wan se Gɔd go pɔnish ɛnibɔdi we de du ɔl dɛn kayn tin ya.

Lɛta Fɔ Galeshya 5:14

Ɔl di Ju Lɔ tay insay wan lɔ we se: “Pɔsin fɔ lɛk in kɔmpin mɔtalman lɛkɛ aw i lɛk insɛf.”

Lɛta Fɔ Galeshya 4:21

Mek a aks una we want mek di Ju Lɔ rul una, una nɔ sabi wetin di Ju Lɔ se?

Lɛta Fɔ Rom 3:20

If pɔsin de du wetin rayt na di Lɔ dat nɔ min se Gɔd insɛf dɔn luk se i de waka tret lɛkɛ aw in want; di Lɔ de fɔ mek mɔtalman no se in dɔn sin.

Ayzaya 8:20

Fɔ di wan dɛn we dɔn yɛri mi tichin ɛn mi mɛsej fɔ no wetin fɔ du! Fɔ tru, di wan dɛn we de tink fɔ tɔk to dayman, nɔ go si do klin.

Mak 10:18

Jizɔs se, “Wetin du yu se a gud? Nɔbɔdi nɔ de we gud, na Gɔd in wangren gud.