Mak 10:17 - Krio Fɔs Oli Baybul

¹⁷ As Jizɔs de go, wan man rɔn go mit am ɛn nil dɔŋ bifo am ɛn se, “Ticha, yu we gud, wetin a fɔ du fɔ mek a gɛt layf we go de sote go?”

Mak 10:17 Referans Kwoze

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

Lyuk 10:25

Wan Ju Lɔ ticha aks Jizɔs wan kwɛshɔn fɔ tɛst am; i se, “Ticha, aw a go manej fɔ gɛt layf we go de sote go?”

Apɔsul Dɛn Wok 16:30

I pul Pɔl ɛn Saylas kɔmɔt na dɛn sɛl ɛn aks dɛn se, “Wetin a fɔ du mek a go sev, sa?”

Apɔsul Dɛn Wok 2:37

Wɛn di pipul dɛn yɛri ɔl wetin Pita tɔk, dɛn at kɔt; dɛn aks Pita ɛn di ɔda apɔsul dɛn se, “Wi brɔda dɛn, wetin wi fɔ du?”

Apɔsul Dɛn Wok 20:32

“Naw a de lɛf una na Gɔd an ɛn a lɛf in wɔd we de tɔk bɔt aw Gɔd gud, gi una. Gɔd go ɛp una fɔ biliv pan Jizɔs gud gud ɛn I go gi una di blɛsin we i dɔn prɔmis fɔ gi dɛn pipul we biliv pan am.

Apɔsul Dɛn Wok 9:6

Grap na grɔn ɛn go insay di tɔŋ, pɔsin go mit yu de ɛn tɛl yu wetin yu fɔ du.”

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Matyu 17:14

Wɛn Jizɔs ɛn in lanin bɔy dɛn kam mit di pipul dɛn wan man kam nil dɔŋ bifo Jizɔs ɛn se,

Jɔn 6:40

Wetin mi Papa want, na fɔ mek ɔlman we no in Pikin ɛn biliv pan am gɛt layf we go de sote go. Ɛn a go mek dɛn ɔl rayz frɔm di grev ɛn gi dɛn di tru layf, di de we Gɔd go jɔj ɔlman.”

Daniɛl 6:10

Wɛn Daniɛl bin si se di pepa dɔn sayn, i go nain os usay in winda dɛn de nain rum ɔpstiaz, we opin to Jerusɛlɛm; ɛn nildɔŋ tri tɛm fɔ de ɛn pre ɛn tɛl PAPA GƆD tɛnki lɛk aw i bin dɔn de du.

Jɔn 5:39

Una de luk gud insay di wɔd dɛn we rayt na Gɔd in Buk, bikɔs una min se una go gɛt layf we go de sote go insay dɛn buk de. Bɔt na mi dɛn de tɔk bɔt na Gɔd in Buk.

Jɔn 3:2

Wan nɛt, Nikodimɔs go fɛn Jizɔs. I se, “Ticha, wi no se yu na ticha we Gɔd sɛn. Nɔbɔdi nɔ go ebul du dɛn wɔndaful wok we yu de du, pas Gɔd de wit di pɔsin.”

Mak 12:14

Dɛn go mit Jizɔs ɛn se, “Ticha, wi no se yu de tɔk tru ɛn yu nɔ tek ɛnibɔdi pas in kɔmpin, yu nɔ de luk if pɔsin jɛntri ɔ if i po. Yu de lan wi wetin Gɔd want mɔtalman fɔ du, fɔ tru, bɔt lɛ wi aks yu wan kwɛshɔn. I rayt fɔ mek wi pe taks to di kiŋ na Rom? Wi fɔ pe taks ɔ wi nɔ fɔ pe taks?”

Mak 9:25

Wɛn Jizɔs si se mɔ ɛn mɔ pipul de rɔn kam gɛda rawnd dɛn, i tɔk pan di dɛbul; i se, “Yu dɛbul we de mek pɔsin tɔn mumu, ɛn mek pɔsin dɛf, a de tɛl yu fɔ kɔmɔt insay dis bɔbɔ, ɛn nɔ fɔ go insay am igen!”

Mak 1:40

Wan man we bin gɛt bad sik nain skin kam nil dɔŋ bifo Jizɔs ɛn beg am se, “If yu gri fɔ mɛn mi, yu ebul mɛn mi ɛn mek a klin.”

Matyu 28:8

So di uman dɛn go wantɛm, dɛn bin de fred, bɔt dɛn bin gladi. Dɛn rɔn fɔ go tɛl in lanin bɔy dɛn ɔl wetin bi.

Jɔn In Fɔs Lɛta 2:25

Ɛn di tin we Krays insɛf dɔn prɔmis fɔ gi wi, na layf we go de sote go.

Lɛta Fɔ Rom 6:23

Day na sin in pe, bɔt layf we go de sote go, nain Gɔd gi wi fri. Wi gɛt di layf we go de sote go bikɔs wi gɛt wanwɔd wit Jizɔs Krays we na wi Masta.

Mak 10:18

Jizɔs se, “Wetin du yu se a gud? Nɔbɔdi nɔ de we gud, na Gɔd in wangren gud.

Lɛta Fɔ Ɛfisɔs 1:18

A de beg Gɔd igen fɔ mek i opin una at so dat una go no se Gɔd dɔn kɔl una fɔ kam to insɛf, ɛn una go abop fɔ gɛt layf we go de sote go, ɛn fɔ mek una go no di big blɛsin we Gɔd dɔn prɔmis una we nain yon pipul,

Taytɔs 3:7

so dat di gud we Jizɔs du fɔ wi, go mek ɔltin rayt bitwin wi ɛn Gɔd ɛn wi go gɛt da layf we go de sote go we wi de abop fɔ gɛt.

Di Ibru Pipul Dɛn 1:14

Udat na di enjɛl dɛn? Dɛn na spirit ɛn dɛn na Gɔd in mɛsenja dɛn; na dɛn Gɔd de sɛn fɔ ɛp dɛn pipul we Gɔd go sev.

Pita In Fɔs Lɛta 1:4

ɛn so, wi abop fɔ gɛt di wɔndaful blɛsin dɛn we Gɔd bin dɔn prɔmis in pipul dɛn ɛn we i kip na ɛvin fɔ una. Dɛn blɛsin ya nɔ de pwɛl, dɛn nɔ de chenj ɛn dɛn go de sote go.