Mak 10:14 - Krio Fɔs Oli Baybul

¹⁴ Bɔt wɛn Jizɔs si wetin di lanin bɔy dɛn de du, i vɛks pan dɛn, i se, “Una mek di pikin dɛn kam to mi, una nɔ tap dɛn; na pipul lɛkɛ dɛn pikin ya, go kam ɔnda Gɔd in rul.

Mak 10:14 Referans Kwoze

Matyu 19:14

Jizɔs se, “Una lɛf di pikin dɛn fɔ kam to mi; una nɔ tap dɛn, na pipul lɛkɛ dɛn pikin ya go kam ɔnda Gɔd in rul.”

Matyu 18:10

“Una fɔ mek shɔ se una nɔ luk se ɛni wan pan dɛn lili wan ya nɔ bɛtɛ. A de tɛl una se, dɛn lili wan ya, dɛn yon enjɛl dɛn we de na ɛvin de luk mi Papa in fes ɔltɛm! [

Matyu 18:4

Di pɔsin we go put in yay dɔŋ ɛn tan lɛkɛ dis pikin, na da pɔsin de go bi impɔtant pas ɔl di wan dɛn we Gɔd de rul.

Pita In Fɔs Lɛta 2:2

Una fɔ tan lɛkɛ bebi we jɛs bɔn, we want milk ɔltɛm; na so unasɛf fɔ want fɔ yɛri Gɔd in wɔd, ɔltɛm; i go mek una gro if una drink am ɔltɛm, dat min se una go no mɔ ɛn mɔ bɔt Gɔd ɛn una go gɛt layf ya we go de sote go na ɛvin.

Sɛkɛn Lɛta To Timoti 3:15

ɛn yu fɔ mɛmba se frɔm we yu smɔl, yu dɔn no dɛn tin we rayt na Gɔd in Buk we de mek yu no se yu fɔ biliv pan Jizɔs fɔ mek yu sev.

Rɛvɛleshɔn 14:5

Wande nɔbɔdi nɔ yɛri dɛn lay; dɛn nɔba du ɛnitin we go mek pipul blem dɛn.

Sɛkɛn Lɛta To Timoti 1:5

A mɛmba aw yu biliv Gɔd wit ɔl yu at lɛkɛ yu grani Lɔis ɛn yu mami Yunaysi. A shɔ se yusɛf biliv Gɔd lɛkɛ dɛn.

Lɛta Fɔ Ɛfisɔs 4:26

If una vɛks, una nɔ fɔ gri mek dat mek una du bad, ɛn una nɔ fɔ vɛks ol de.

1 Kɔrint 14:20

Mi kɔmpin Kristiɛn dɛn, una nɔ fɔ de tink lɛkɛ pikin, una fɔ tan lɛkɛ pikin wɛn i kam pan bad, bɔt una fɔ tink lɛkɛ bigman.

1 Kɔrint 7:14

Bikɔs maredman we nɔto Kristiɛn ɛn in wɛf we na Kristiɛn, dɔn bi wan, Gɔd go tek di man we nɔto Kristiɛn lɛkɛ in yon. Ɛn bikɔs mare du man we nɔto Kristiɛn ɛn in man we na Kristiɛn, dɔn bi wan, Gɔd go tek di uman we nɔto Kristiɛn lɛkɛ in yon. If nɔ so, dɛn pikin go bi lɛkɛ dɛn pikin we nɔ no Gɔd. Bɔt we Gɔd dɔn tek dɛn mami ɛn dɛn dadi lɛkɛ in yon, Gɔd go tek di pikin dɛn lɛkɛ in yon.

Lɛta Fɔ Rom 11:28

Bikɔs di Ju dɛn tɔn dɛn bak pan di Gud Nyuz, dɛn na pipul we nɔ lɛk Gɔd, ɛn di et we dɛn et di Gud Nyuz dɔn mek Gɔd ɛp una we nɔto Ju. Bɔt bikɔs Gɔd bin dɔn pik di Ju pipul dɛn, dɛn nain padi dɛn bikɔs i bin dɔn prɔmis Ebraam, Ayzak ɛn Jekɔb se dɛn grampikin pikin dɛn go bi in padi dɛn sote go.

Lɛta Fɔ Rom 11:16

If ɛnibɔdi gi Gɔd di fɔs af bred we i kɔt, dat min se di wan ol bred blant Gɔd; ɛn if ɛnibɔdi gi Gɔd tik in rut, dat min se ɔl di an dɛn pan di tik blant Gɔd.

Apɔsul Dɛn Wok 3:25

Di tin we Gɔd prɔmis wi we dɛn prɔfɛt tɔk bɔt na fɔ wi ɔl, ɛn una gɛt pan da blɛsin we Gɔd bin prɔmis wi grampapa papa dɛn, wɛn i tɛl Ebraam se, ‘Na yu grampikin pikin dɛm a go tek fɔ blɛs ɔl di pipul dɛn na di wɔl.’

Apɔsul Dɛn Wok 2:39

Di prɔmis we Gɔd bin prɔmis, na fɔ una, fɔ una pikin dɛn, fɔ ɔl dɛn wan we nɔ bɔn yet, ɛn ɔl dɛn pipul we Gɔd dɔn kɔl fɔ kam to am.”

Mak 8:33

Jizɔs luk di lanin bɔy dɛn, i tɔk to Pita, i se, “Pita, kɔmɔt biɛn mi, na Setan in wok yu de du so! Yu de tink lɛkɛ aw mɔtalman de tink, yu nɔ de tink lɛkɛ aw Gɔd de tink.”

Mak 3:5

As Jizɔs luk dɛn, i vɛks ɛn in at pwɛl bikɔs dɛn at bin traŋa. Jizɔs tɛl di man we in an day se, “Es yu an, tret am.” Di man es in an ɛn tret am. Di an wɛl gud gud.

Ayzaya 65:23

Dɛn nɔ go lebɔ fɔ natin, ɔ bɔn pikin we go briŋ waala; bikɔs dɛn go bi sid dɛm we PAPA GƆD dɔn blɛs, dɛn ɛn dɛn pikin dɛm.

Di Sam Dɛm 78:4

Wi nɔ go ayd dɛn pan wi pikin dɛn; wi go tɛl di nɛks jɛnareshɔn bɔt PAPA GƆD in wɔndaful wok. Wi go tɛl dɛn aw i gɛt pawa ɛn bɔt ɔl di mirekul dɛn we i dɔn du.

Ditarɔnɔmi 4:37

I tɛl dɛn se na bikɔs PAPA GƆD bin lɛk dɛn fɔstɛm-papa dɛn ɛn bin dɔn pik dɛn pikin dɛn fɔ bi in pipul dɛn, nain mek insɛf sɛf bin go pul dɛn kɔmɔt slev na Ijipt wit pawa,

Di Nɔmba Dɛm 14:31

As fɔ dɛn pikin dɛn we dɛn se dɛn go kech, na dɛn a go lɛ ɛnjɔy di vɛri land we dɛn luk badyay.

Jɛnɛsis 17:7

“A de mek dis Kɔvinant bitwin mi ɛn yu ɛn bitwin mi ɛn yu jɛnareshɔn dɛn we nɔ bɔn yet. Dis Kɔvinant go de sote go ɛn a go bi yu PAPA GƆD ɛn ɔl yu jɛnareshɔn dɛn PAPA GƆD.

1 Samiɛl 1:22

Ana nɔ go wit dɛn. I tɛl in man se we i dɔn win di pikin, i go kɛr am go gi PAPA GƆD ɛn di pikin go tap na PAPA GƆD in os, te i day.

1 Samiɛl 1:11

I swɛ to PAPA GƆD Ɔlmayti se if i kin sɔri fɔ am nɔmɔ ɛn gi am wan bɔypikin, i go gi am bak to PAPA GƆD fɔ wok fɔ am te i day ɛn i nɔ go kɔt in ia.

Matyu 5:3

“Dɛn wan we abop pan Gɔd, gɛt blɛsin, bikɔs Gɔd de rul dɛn!

Matyu 5:10

“Dɛn wan we pipul de mek sɔfa fɔ we dɛn de du wetin Gɔd want, gɛt blɛsin, bikɔs dɛn de gladi we Gɔd de rul dɛn!

Jɔn 3:3

Jizɔs tɛl am se, “A de tɛl yu fɔ tru se, nɔbɔdi nɔ go kam ɔnda Gɔd in rul pas i bɔn sɛkɛn tɛm.”

Jɔn 3:5

Jizɔs se, “A de tɛl yu se, nɔbɔdi nɔ go kam ɔnda Gɔd in rul pas di pɔsin bɔn wit wata ɛn wit Gɔd in Spirit.

Jɔshwa 8:35

Wan layn nɔ de we Mozis bin rayt na di lɔ we Jɔshwa nɔ rid lɛ ɔl di man dɛn, di uman dɛn ɛn di pikin ɛn fɔrena dɛn ɔl yɛri.