Mak 1:5 - Krio Fɔs Oli Baybul

⁵ Plɛnti pipul we de na Judia ɛn Jerusɛlɛm go fɔ yɛri Jɔn. Di pipul dɛn tɛl Gɔd bɔt dɛn sin, bifo ɔlman we bin lib de, dɛn Jɔn baptayz dɛn na Riva Jɔdan.

Mak 1:5 Referans Kwoze

Apɔsul Dɛn Wok 19:18

Plɛnti pan di Kristiɛn dɛn tɔk se dɛn bin dɔn du bad ɛn dɛn tɔk bifo ɔlman bɔt di bad tin dɛn we dɛn bin dɔn du.

Apɔsul Dɛn Wok 2:38

Pita ansa dɛn se, “Una ɔl fɔ lɛf dɛn bad tin we una de du ɛn kam to Gɔd. Mek dɛn baptayz una wit Jizɔs Krays in nem; Gɔd go padin una fɔ di bad tin dɛn we una de du ɛn i go gi unain Spirit.

Jɔn 3:23

Jɔn insɛf bin de baptayz pipul na Inɔn we bin de klos Selin, bikɔs plɛnti wata bin lib de. Plɛnti pipul bin de go mit Jɔn de ɛn i bin de baptayz dɛn.

Jɔn 1:28

Ɔl dɛn tin ya bi na Bɛtani we de na di istɛn pat na Riva Jɔdan. Jɔn bin de baptayz pipul na Riva Jɔdan.

Matyu 4:25

Plɛnti pipul we kɔmɔt Galili, di Tɛn Tɔŋ dɛn, Jerusɛlɛm, Judia, ɛn dɛn pipul we de na di istɛn pat na Riva Jɔdan, bin de fala Jizɔs.

Prɔvabs 28:13

Udat ayd in sin nɔ de mek am na layf; bɔt udat kɔnfɛs in sin ɛn lɛf fɔ du bad, PAPA GƆD go sho am masi.

Di Sam Dɛm 32:5

A gri se a bin de mek rebɛl pan PAPA GƆD ɛn kɔnfɛs mi sin. A mekɔp mi maynd ɛn se “A mɔs kɔnfɛs mi sin to PAPA GƆD.” Wɛn a du am, yu fɔgiv mi ɛn nɔ pɔnish mi igen

Jɔshwa 7:19

Nain Jɔshwa tɛl Ekan se mek i nɔ lay to PAPA GƆD we na di PAPA GƆD na Izrɛl, lɛ i tɛl am wetin i du ɛn lɛ i nɔ ayd an.

Mak 1:4

Jɔn we bin de baptayz pipul kam na di dɛzat, i bin de tɛl pipul se, if dɛn lɛf di sin we dɛn de pan ɛn mek i baptayz dɛn, Gɔd go padin dɛn.

Mak 1:6

Na kamɛl ia dɛn bin tek mek di klos we Jɔn bin de wɛr ɛn na lɛda dɛn bin tek mek in bɛlt. I bin de it lokɔs ɛn ɔni.

Jɔn 5:35

Wetin Jɔn bin de tɔk bin tan lɛkɛ lamp we layt ɛn di layt brayt fɔ mek ɔlman si. Una bin gri fɔ mek di layt shayn pan una fɔs ɛn mek una at gladi.

Jems 5:16

Na dat mek, una fɔ tɛl una kɔmpin Kristiɛn di sin dɛn we una dɔn sin ɛn una fɔ pre mek Gɔd mek una wɛl. Wɛn pɔsin we de waka tret bifo Gɔd pre, da pre de gɛt pawa ɛn Gɔd go ansa am.