Mak 1:45 - Krio Fɔs Oli Baybul

⁴⁵ Bɔt di man go tɛl plɛnti pipul wetin Jizɔs du fɔ am, so di nyuz prɛd ɔlɔbɔt. Dat mek Jizɔs nɔ sho insɛf to pipul dɛn na ɛni tɔŋ igen, bikɔs di pipul dɛn bin tu plɛnti we kam mit am, so i go tap na ples we nɔbɔdi nɔ de. Bɔt pipul bin stil de kɔmɔt ɔlsay go mit am de.

Mak 1:45 Referans Kwoze

Mak 2:13

Jizɔs kɔmɔt na di os, i go bak klos di wata we nem Lek Galili. Plɛnti pipul go gɛda rawnd am, ɛn i bigin lan dɛn bɔt Gɔd.

Matyu 9:31

Bɔt di man dɛn go tɛl pipul bɔt Jizɔs, ɛn di nyuz prɛd ɔlɔbɔt na da eria de.

Jɔn 6:2

Plɛnti plɛnti pipul fala am, bikɔs dɛn si di wɔndaful wok we i du we i mɛn dɛn sik pipul.

Di Sam Dɛm 77:11

A mɛmba ɔl di wɔndaful tin dɛn we PAPA GƆD bin de du. A go mɛmba di mirekul dɛn we i bin ple lɔntɛm.

Mak 3:7

Jizɔs ɛn in lanin bɔy dɛn go klos di wata we nem Lek Galili. Wɛn di pipul dɛn we kɔmɔt ɔlɔbɔt na Galili, Judia, Jerusɛlɛm, Idumia, ɛn oba Riva Jɔdan, ɛn dɛn tɔŋ we de na Taya ɛn Saydɔn yɛri bɔt wetin Jizɔs du, dɛn go mit Jizɔs nia di lek.

Matyu 28:15

Di soja man dɛn tek di mɔni, dɛn du wetin dɛn bigman dɛn we de mek sakrifays fɔ pipul sin ɛn di Ju bigman dɛn tɛl dɛn fɔ du. Di wɔd prɛd ɔlɔbɔt to di Ju pipul dɛn ɛn di Ju pipul dɛn biliv am sote naw.

Taytɔs 1:10

Plɛnti pipul de, we nɔ de yɛri wɔd, we de mek ɔda pipul ful wit di nɔnsɛns we dɛn de tɔk, ɛn na dɛn Ju pipul mɔ de du so.

Matyu 9:26

Di nyuz bɔt wetin Jizɔs du prɛd ɔlɔbɔt na da eria de.

Mak 3:20

Dɛn Jizɔs go na wan os. Krawd kam gɛda rawnd in ɛn in lanin bɔy dɛn igen so dɛn nɔ gɛt chans fɔ it.

Mak 7:36

Jizɔs tɛl di pipul dɛn nɔ fɔ tɛl ɛnibɔdi wetin bi to di man. Di mɔ we Jizɔs de wɔn dɛn nɔ fɔ tɛl ɛnibɔdi, na di mɔ dɛn bin de tɛl pipul wetin Jizɔs du.