Mak 1:42 - Krio Fɔs Oli Baybul

⁴² Di bad sik kɔmɔt pan di man in skin wantɛm, ɛn i wɛl.

Mak 1:42 Referans Kwoze

Jɔn 15:3

Wetin a dɔn lan una dɔn mek una klin.

Mak 5:29

So i tɔch Jizɔs in klos ɛn i wɛl wantɛm. Di uman insɛf fil se in dɔn wɛl.

Mak 1:31

Jizɔs go ol di uman in an ɛn ɛp am fɔ grap, nain di fiva kɔmɔt pan am. I gi Jizɔs ɛn in lanin bɔy dɛn tin fɔ it.

Matyu 15:28

Jizɔs se, “Yu na uman we biliv gud gud! Mek wetin yu want bi.” Di pikin wɛl da sem tɛm de.

Di Sam Dɛm 33:9

Bikɔs wetin i tɔk de bi; na kɔmand, nɔmɔ i gi ɔltin we de na wɔl, ɛn dɛn kam wantɛm.

Mak 1:41

Jizɔs sɔri fɔ di man we gɛt di bad sik, i tret in an, tɔch di man ɛn se, “A want mɛn yu, wɛl naw!”

Mak 1:43

Jizɔs wɔn di man traŋa wan, i se, “Nɔ tɛl nɔbɔdi natin bɔt wetin dɔn bi, bɔt go to di man we de mek sakrifays fɔ pipul sin fɔ mek i luk yu; dɛn mek di sakrifays we Mozis bin tɛl pipul fɔ mek. Dat go mek ɔlman no se yu dɔn wɛl.” Dɛn Jizɔs mek di man go.