Mak 1:41 - Krio Fɔs Oli Baybul

⁴¹ Jizɔs sɔri fɔ di man we gɛt di bad sik, i tret in an, tɔch di man ɛn se, “A want mɛn yu, wɛl naw!”

Mak 1:41 Referans Kwoze

Matyu 9:36

Wɛn Jizɔs si di krawd, i sɔri fɔ dɛn, bikɔs dɛn bin kɔnfyus ɛn dɛn nɔ bin ebul fɔ ɛp dɛnsɛf, jɛs lɛkɛ dɛn ship we nɔ gɛt shɛpad fɔ mɛn dɛn.

Di Ibru Pipul Dɛn 4:15

Di edman we de mek sakrifays fɔ pipul sin na di wan we wi gɛt we ɔndastand ɔltin we traŋa fɔ wi, bikɔs insɛf na bin wan pan wi, ɛn ɔl wetin de mit wi fɔ tray wi bin dɔn mit am. Bɔt i nɔ sin wande.

Di Ibru Pipul Dɛn 2:17

Na dat mek, i bin tan lɛkɛ aw in brɔda dɛn tan pan ɔltin, so dat i go sɔri fɔ dɛn ɛn wok fɔ Gɔd wit ɔl in at, lɛkɛ di edman we de mek sakrifays fɔ pipul sin, we i bi, so dat i go padin ɔl Gɔd in pipul dɛn sin.

Mak 6:34

Wɛn Jizɔs kɔmɔt insay di bot, i mit bɔku pipul de wet fɔ am; Jizɔs sɔri fɔ dɛn, bikɔs dɛn bin jɛs de lɛkɛ ship we nɔ gɛt pɔsin fɔ mɛn dɛn, so i bigin fɔ lan dɛn plɛnti tin.

Di Ibru Pipul Dɛn 1:3

I de sho pipul Gɔd in wɔndaful pawa. Wɛn una si di Pikin, una dɔn si Gɔd, ɛn na di Pikin in wɔd we gɛt pawa de mek ɔltin na di wɔl de aw dɛn fɔ de. Afta di Pikin dɔn pul mɔtalman sin kɔmɔt pan dɛn, so dat dɛn go klin na Gɔd yay, i go na ɛvin ɛn sidɔm na Gɔd we de rul ɔltin, in raytan.

Mak 5:41

Jizɔs ol di pikin in an ɛn se, “Talita kumi” dat min, “Mi pikin, grap!” Nain laŋwej.

Mak 4:39

Jizɔs grap. I tɛl di briz fɔ tap ɛn di wata fɔ stɛdi. Di briz tap fɔ blo ɛn di swɛlin go dɔŋ.

Jɛnɛsis 1:3

Nain Gɔd se, “Mek layt kam” nain layt kam.

Di Sam Dɛm 33:9

Bikɔs wetin i tɔk de bi; na kɔmand, nɔmɔ i gi ɔltin we de na wɔl, ɛn dɛn kam wantɛm.

Mak 1:40

Wan man we bin gɛt bad sik nain skin kam nil dɔŋ bifo Jizɔs ɛn beg am se, “If yu gri fɔ mɛn mi, yu ebul mɛn mi ɛn mek a klin.”

Mak 1:42

Di bad sik kɔmɔt pan di man in skin wantɛm, ɛn i wɛl.