Mak 1:32 - Krio Fɔs Oli Baybul

³² Di sem de, afta di san go dɔŋ, pipul briŋ ɔl kayn sik pipul ɛn dɛn wan we gɛt dɛbul insay dɛn, kam to Jizɔs.

Mak 1:32 Referans Kwoze

Matyu 8:16

Da ivintɛm de, plɛnti pipul briŋ dɛn wan we bin gɛt dɛbul insay dɛn kam to Jizɔs. Jizɔs drɛb di dɛbul dɛn wit di wɔd we i tɔk, ɛn i mɛn ɔl di wan dɛn we bin sik.

Lyuk 4:40

Da sem de de, ivintɛm, dɛn bin briŋ pipul we bin gɛt ɔl kayn sik kam to Jizɔs. I le in an pan ɔl di sik pipul dɛn ed, wan bay wan, ɛn dɛn ɔl wɛl.

Mak 3:2

Di Faresi dɛn bin de wach Jizɔs fɔ si if i go mɛn di man we in an day, di de fɔ pre ɛn blo, so dat dɛn go se i dɔn du tin we nɔ rayt.

Matyu 4:24

Di nyuz bɔt Jizɔs prɛd ɔlɔbɔt na Siria, dat mek dɛn kɛr ɔl dɛn sik pipul, dɛn wan we dɛn bɔdi de at dɛn ɛn dɛn wan we gɛt dɛbul insay dɛn, dɛn wan we gɛt fiks, ɛn dɛn wan we nɔ ebul waka, kam to am; Jizɔs mɛn dɛn ɔl.

Mak 1:21

Jizɔs ɛn in lanin bɔy dɛn go na wan tɔŋ we nem Kepanyɔm. Wɛn di de fɔ pre ɛn blo rich, Jizɔs go insay di Ju mitin os, ɛn bigin lan di pipul dɛn bɔt Gɔd.

Matyu 8:17

Ɔl dɛn tin ya we i du, na fɔ mek wetin di prɔfɛt we nem Ayzaya bin tɔk, kam bi tru. Prɔfɛt Ayzaya bin rayt se, “Nainsɛf tek ɔl wi sik dɛn ɛn mek wi fri.”

Mak 1:31

Jizɔs go ol di uman in an ɛn ɛp am fɔ grap, nain di fiva kɔmɔt pan am. I gi Jizɔs ɛn in lanin bɔy dɛn tin fɔ it.

Lyuk 4:41

Dɛbul dɛn bin kɔmɔt pan plɛnti pipul ɛn ala se, “Fɔ tru, yu na Gɔd in Pikin.” Jizɔs tɔk pan di dɛbul dɛn fɔ mek dɛn sɛt mɔt ɛn i nɔ gri mek dɛn tɔk natin, bikɔs dɛn bin no se in na di Mɛsaya.