Mak 1:27 - Krio Fɔs Oli Baybul

²⁷ Ɔl di pipul dɛn we bin lib de wɔnda sote dɛn bigin aks dɛn kɔmpin se, “Wetin dis? Na nyu tin i de lan wi! Dis man gɛt pawa fɔ tɛl dɛbul wetin dɛn fɔ du ɛn dɛn de du am!”

Mak 1:27 Referans Kwoze

Lyuk 9:1

Jizɔs kɔl in twɛlv lanin bɔy dɛn ɛn gi dɛn pawa fɔ drɛb dɛbul ɛn fɔ mɛn ɔl kayn sik.

Mak 7:37

Di pipul dɛn we yɛri bɔt wetin Jizɔs du, lɔs wit wɔnda. Dɛn se, “I sabi in wok gud gud! I de mek dɛfyes pipul yɛri, ɛn mumu pipul tɔk.”

Matyu 15:31

Di pipul dɛn wɔnda wɛn dɛn yɛri mumu de tɔk; wɛn dɛn si dɛn wan we nɔ bin ebul waka, de waka; wɛn dɛn si se dɛn wan we dɛn an ɔ fut bin day, dɔn wɛl; ɛn dɛn wan we bin blɛn, de si. Dɛn prez di Gɔd we di pipul dɛn na Izrɛl de pre to.

Matyu 9:33

Jɛs Jizɔs drɛb di dɛbul kɔmɔt insay di man so, nain di man bigin tɔk, ɛn ɔlman wɔnda, dɛn se, “Wi nɔ si tin lɛkɛ dis na Izrɛl wande!”

Lyuk 4:36

Dɛn ɔl wɔnda ɛn bigin tɔk se, “Uskayn wɔd dɛn wan ya? Dis man de tɔk lɛkɛ pɔsin we gɛt di rayt ɛn pawa fɔ tɛl di dɛbul dɛn wetin dɛn fɔ du ɛn dɛn de kɔmɔt wantɛm!”

Mak 10:32

Wɛn dɛn bin de go na Jerusɛlɛm, Jizɔs bin de waka bifo dɛn. Di lanin bɔy dɛn bin de wɔnda, ɛn di pipul dɛn we bin de fala Jizɔs bin de fred. Jizɔs kɔl in lanin bɔy dɛn wansay ɛn tɛl dɛn wetin pipul go du am.

Mak 10:24

Di wɔd we Jizɔs tɔk mek di lanin bɔy dɛn wɔnda, bɔt Jizɔs tɔk igen se, “Mi pikin dɛn, i traŋa fɔ pɔsin fɔ kam ɔnda Gɔd in rul.

Matyu 8:9

Misɛf na pɔsin we gɛt bigman dɛn we gɛt pawa oba mi ɛn a gɛt soja man dɛn we dɛn de ɔnda mi. A kin tɛl wan se, ‘Go,’ ɛn i kin go; a kin tɛl ɔda wan se, ‘Kam!’ Ɛn i kin kam; ɛn a kin tɛl mi bɔy se, ‘Du dis wok!’ Ɛn i kin du am.”

Mak 1:26

Di dɛbul wap di man dɔŋ, i ala big wan, dɔn i kɔmɔt insay di man.

Mak 1:28

Pipul bigin tɔk wantɛm ɔlɔbɔt na Galili bɔt di tin dɛn we Jizɔs du.

Mak 16:5

Wɛn dɛn de go insay di grev, dɛn si wan yɔŋ man we wɛr lɔŋ wayt klos, i bin sidɔm na di raytan say. Di uman dɛn fred!

Mak 16:6

Di man se, “Una nɔ fred! Na Jizɔs we kɔmɔt Nazarɛt, we dɛn bin nel pan di krɔs una kam luk fɔ. I nɔ de ya, i dɔn rayz frɔm di grev. Una luk di ples we dɛn bin le am.

Apɔsul Dɛn Wok 17:19

So di pipul dɛn ol Pɔl kɛr am go na di kot we de mit na Ario pagɔs il. Dɛn tɛl Pɔl se, “Wi want fɔ no bɔt dis nyu tin we yu de lan wi.