Mak 1:22 - Krio Fɔs Oli Baybul

²² Di pipul dɛn wɔnda we Jizɔs de lan dɛn, bikɔs i bin de lan dɛn lɛkɛ pɔsin we gɛt di rayt fɔ lan pipul dɛn tin ya, i nɔ bin de lan dɛn lɛkɛ aw dɛn Ju Lɔ ticha bin de du.

Mak 1:22 Referans Kwoze

Matyu 13:54

I go bak nain tɔŋ we nem Nazarɛt. I bigin tich na di Ju mitin os ɛn di pipul dɛn we yɛri am, wɔnda. Dɛn se, “Usay dis man gɛt dis sɛns, ɛn di pawa fɔ du dɛn wɔndaful wok ya?

Jɔn 7:46

Di gyad dɛn ansa se, “Nɔbɔdi nɔ tɔk lɛkɛ dis man ya wande.”

Lyuk 4:32

Ɔl di pipul dɛn wɔnda bikɔs Jizɔs bin de lan dɛn lɛkɛ pɔsin we gɛt di rayt fɔ lan pipul dɛn tin ya.

Jɛrimaya 23:29

PAPA GƆD se, mi wɔd nɔto lɛkɛ faya, ɛn lɛkɛ ama we de brok rɔk pis pis?

2 Kɔrint 4:2

Wi dɔn lɛf fɔ du dɛn tin we wi bin de ayd fɔ du we bin de mek wi shem; wi de waka tret wit pipul, wi nɔ de twis Gɔd in wɔd; wi no se Gɔd de luk wi, so wi de tɔk ɔl wetin tru bɔt Gɔd, so dat ɔlman go satisfay se wetin wi de tɔk na di rayt tin.

Apɔsul Dɛn Wok 6:10

Bɔt Gɔd in Spirit gi Stivin plɛnti sɛns, so dat wɛn i tɔk nɔbɔdi nɔba gɛt natin fɔ se.

Lyuk 21:15

A go mek una ebul ansa dɛn wit sɛns so dat dɛn wan we nɔ lɛk una sɛf go gri wit di ansa dɛn we una de ansa.

Mak 1:23

Da sem tɛm de, wan man we bin gɛt dɛbul insay am kam insay di Ju mitin os ɛn bigin ala se,

Lyuk 2:47

Di we we i bin de ansa kwɛshɔn ɛn di sɛns we i bin gɛt bin mek ɔl di pipul dɛn wɔnda.