Mak 1:14 - Krio Fɔs Oli Baybul

¹⁴ Wɛn Jɔn dɔn go jel, Jizɔs bigin go ɔlɔbɔt na Galili de tɛl pipul di Gud Nyuz we Gɔd sɛn.

Mak 1:14 Referans Kwoze

Matyu 4:23

Jizɔs go ɔlɔbɔt na Galili de tich pipul na di Ju mitin os dɛn, i tɛl dɛn di Gud Nyuz bɔt di tɛm we Gɔd de kam rul, ɛn i mɛn pipul we gɛt ɔl kayn sik.

Matyu 4:12

Wɛn Jizɔs yɛri se dɛn dɔn ol Jɔn, i go na Galili.

Lɛta Fɔ Ɛfisɔs 2:17

Krays kam fɔ tɛl ɔlman bɔt di Gud Nyuz we de gi kol at. Dis Gud Nyuz ya de fɔ dɛn Ju pipul we bin de klos Gɔd ɛn dɛn pipul we nɔto Ju we nɔ bin de klos Gɔd.

Lyuk 8:1

I nɔ tu te, Jizɔs ɛn in lanin bɔy dɛn go na dɛn tɔŋ ɛn dɛn vilej go tɛl di pipul dɛn di Gud Nyuz bɔt Gɔd in rul.

Apɔsul Dɛn Wok 28:23

So dɛn fɛn tɛm we plɛnti pipul kin kam na di mitin. Wɛn di tɛm rich, dɛn go mit Pɔl na di ples we i bin de. Pɔl tɔk frɔm mɔnin te nɛt de tray fɔ sho dɛn se na tru i de tɔk ɛn i tɛl dɛn di mɛsej bɔt Gɔd in rul. I rid di Lɔ we Gɔd bin gi Mozis ɛn dɛn tin we dɛn prɔfɛt bin rayt, fɔ mek di pipul dɛn go biliv pan Jizɔs.

Matyu 9:35

Jizɔs go ɔlɔbɔt na dɛn tɔŋ ɛn vilej, de lan pipul na dɛn Ju mitin os ɛn tɛl dɛn di Gud Nyuz bɔt Gɔd in rul, ɛn i mɛn dɛn pipul we gɛt ɔl kayn sik.

Apɔsul Dɛn Wok 20:25

“A dɔn go to una ɔl fɔ tɛl una bɔt Gɔd in rul ɛn a no se una nɔ go si mi igen.

Matyu 14:2

I bigin tɔk to in ɔfisa dɛn, i se, “Dis nɔto ɔda pɔsin pas Jɔn we bin de baptayz, i dɔn gɛt layf bak. Na dat mek i gɛt pawa fɔ du wɔndaful wok.”

Lyuk 3:20

Pantap ɔl dɛn ɔda bad tin we Ɛrɔd bin de du, i mek dɛn ol Jɔn ɛn put am na jel!

Matyu 11:2

Wɛn Jɔn, we bin de na jel, yɛri bɔt di tin dɛn we Jizɔs de du, i sɛn in lanin bɔy dɛn to Jizɔs,

Matyu 4:17

Frɔm da tɛm de Jizɔs bigin tɛl pipul se, “Una chenj una we ɛn lɛf fɔ du di bad tin dɛn we una de du, bikɔs Gɔd in rul dɔn kam klos una.”

Lɛta Fɔ Rom 1:1

Mi, Pɔl, we de wok fɔ Jizɔs Krays, ɛn we na apɔsul we Gɔd pik fɔ go tɛl pipul di Gud Nyuz we i gɛt fɔ dɛn, de rayt to una.