Mak 1:10 - Krio Fɔs Oli Baybul

¹⁰ Wɛn Jɔn dɔn baptayz Jizɔs, Jizɔs bin de kɔmɔt insay di wata, nain i si di klawd opin ɛn i si Gɔd in Spirit de kam dɔŋ te i kam pan am. Di Spirit bin de kam dɔŋ lɛkɛ aw dɔv kin kam dɔŋ.

Mak 1:10 Referans Kwoze

Lyuk 3:22

ɛn Gɔd in Spirit tek dɔv shep kam dɔŋ pan am ɛn dɛn yɛri vɔys we kɔmɔt na ɛvin de tɔk se, “Yu na mi yon Pikin we a lɛk ɛn a gladi fɔ yu!”

Matyu 3:16

Jɛs Jɔn baptayz Jizɔs so, Jizɔs kɔmɔt insay di wata. Gɔd opin di klawd mek i si, ɛn i si Gɔd in Spirit de kɔmɔt ɔp kam pan am lɛkɛ aw dɔv kin kam dɔŋ.

Ayzaya 64:1

Aw a wish se yu go chɛr di skay dɛn ɛn kam dɔŋ, so di mawnten dɛn shek we dɛn si yu-

Ayzaya 42:1

Dis na mi wokman we a de sɔpɔt, di wan we a dɔn pik, we mi sol de gladi fɔ; A dɔn put mi Spirit pan am, i go mek ɔl mɔtalman na wɔl trit in kɔmpin di sem.

Izikɛl 1:1

Di ia we mek tati, insay di nɔmba fo mɔnt ɛn di de we mek fayv, as a bin de wit di wan dɛn we bin de na ɛgzayl, nia Riva Chɛba, di klawd bin opin ɛn a si bɔku vishɔn bɔt PAPA GƆD.

Mak 1:9

Da tɛm de, Jizɔs kɔmɔt Nazarɛt we de na Galili go mit Jɔn, Jɔn baptayz am na Riva Jɔdan.

Mak 1:11

Dɔn dɛn yɛri vɔys we kɔmɔt na ɛvin de tɔk se, “Yu na mi yon Pikin we a lɛk ɛn a gladi fɔ yu!”