Lyuk 8:3 - Krio Fɔs Oli Baybul

³ Joana, we in man we nem Chuza, bin de wok fɔ Ɛrɔd; wit Suzana ɛn plɛnti ɔda uman dɛn we bin de pul pan wetin dɛn gɛt gi Jizɔs ɛn in lanin bɔy dɛn.

Lyuk 8:3 Referans Kwoze

Fɔs Lɛta To Timoti 5:10

ɛn ɔlman fɔ no am fɔ di gud tin dɛn we i de du: i fɔ bi uman we tren in pikin dɛn gud, we kin du gud fɔ trenja, we kin wok fɔ di Kristiɛn dɛn, we kin ɛp dɛn pipul we de pan trɔbul, ɛn we kin du ɔl kayn gud wok.

Lɛta Fɔ Filipay 4:22

Ɔl dɛn ɔda Kristiɛn dɛn na ya, pati kla dɛn pipul we de wok na di big Roman Kiŋ in os, tɛl una adu.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Matyu 26:11

Dɛn pipul we nɔ gɛt natin go de wit una ɔltɛm, bɔt mi nɔ go de wit una ɔltɛm.

Matyu 25:40

Di Kiŋ go se, ‘Ɛnitɛm we una bin du dɛn tin ya fɔ ɛni wan pan dɛn pipul ya we pipul nɔ tek mek natin, we tan lɛkɛ brɔda to mi, na fɔ mi una bin du dɛn.’

Matyu 2:11

Di sɛnsman dɛn go insay di os, ɛn wɛn dɛn si di pikin ɛn in mama, Meri, dɛn nil dɔŋ bifo di pikin ɛn pre to am. Dɛn bin kɛr gold, frankinsɛns ɛn ma go gi am.

Ayzaya 23:18

I go put wetin i de sɛl ɛn wetin i de du na PAPA GƆD in an; dɛn nɔ go kip dɛn na sto ɛn dɛn nɔ go ayd dɛn, bɔt dɛn go yuz dɛn fɔ sɔplay PAPA GƆD in pipul dɛn bɔku bɔku it ɛn fayn fayn klos dɛn.

1 Kronikuls 29:14

“Bɔt udat na mi, ɛn udat na mi pipul dɛm we wi fɔ ebul gi wit ɔl wi at? Bikɔs ɔltin kɔmɔt to yu ɛn na pan wetin yu gi wi, we dɔn gi yu so.

Lyuk 24:10

Na Meri we kɔmɔt Magdala, Joana, Meri we na Jems in mama, ɛn di ɔda uman dɛn we bin de wit Jizɔs; na dɛn bin tɛl Jizɔs in lanin bɔy dɛn wetin bi.

Apɔsul Dɛn Wok 13:1

Di chɔch na Antiɔk bin gɛt sɔm prɔfɛt dɛn ɛn sɔm ticha dɛn. Dɛn na bin Banabas, Simiɔn we dɛn bin de kɔl Blak Pɔsin, Lushyɔs we bin kɔmɔt Sayrini, Manɛn we nain ɛn di gɔvna Ɛrɔd gro, ɛn Sɔl.

Matyu 14:1

Da sem tɛm de, Ɛrɔd we bin de rul na Galili, yɛri bɔt Jizɔs.

Matyu 14:3

Kiŋ Ɛrɔd tɔk dat, bikɔs i bin dɔn mek dɛn ol Jɔn we bin de baptayz, tay am, ɛn put am na sɛl. Kiŋ Ɛrɔd bin du dat fɔseka Filip in wɛf, Ɛrodias; Filip na bin Kiŋ Ɛrɔd in brɔda.

Matyu 14:6

Bɔt di de we dɛn mek Kiŋ Ɛrɔd in batde, Ɛrodias in gyal pikin dans fɔ di pipul dɛn ɛn Kiŋ Ɛrɔd. Kiŋ Ɛrɔd bin so gladi fɔ di dans we i dans,

Matyu 20:8

“Wɛn ivintɛm rich, di man we gɛt di fam tɛl in edman fɔ di lebra dɛn fɔ kɔl di lebra dɛn fɔ kam tek dɛn pe. I bigin pe di lebra dɛn we i tek las sote i rich to di wan dɛn we i tek fɔs.

Matyu 27:55

Plɛnti uman dɛn we bin kɔmɔt Galili bin fala Jizɔs go fɔ ɛp am, bɔt dɛn bin tinap fawe de luk.

Jɔn 12:6

Judas nɔ tɔk dat bikɔs i bin want ɛp di pipul dɛn we nɔ gɛt natin, i tɔk dat bikɔs na bin tifman. Nain bin de kip di kɔpɔ fɔ Jizɔs ɛn in lanin bɔy dɛn, ɛn i kin de tek pan di kɔpɔ.