Lyuk 7:4 - Krio Fɔs Oli Baybul

⁴ Wɛn dɛn Ju bigman ya mit Jizɔs, dɛn bigin beg am, dɛn se, “Duya, wi beg, sa, kam mɛn dis ɔfisa in bɔy bikɔs na gud man.

Lyuk 7:4 Referans Kwoze

Rɛvɛleshɔn 3:4

Bɔt te naw sɔm pan una de na Sadis we nɔ dɔti una klos, bɔt una nɔ plɛnti. Dɛn pipul de go waka wit mi, dɛn go wɛr wayt klos bikɔs dɛn fit fɔ wɛr am, bay aw dɛn de du.

Matyu 10:13

If di pipul dɛn na di os gladi fɔ una, di wɔd dɛn we una blɛs dɛn wit, go tap na di os; bɔt if dɛn nɔ gladi fɔ una, di blɛsin we una gi dɛn go kam bak to una.

Lyuk 20:35

bɔt dɛn pipul we Gɔd si se fit fɔ rayz frɔm dɛn grev go na ɛvin, nɔ de mared.

Matyu 10:11

“Wɛn una go na ɛni tɔŋ ɔ vilej, una fɔ fɛn pɔsin we go gri fɔ mek una tap nain os, ɛn una nɔ fɔ muf go na ɔda os sote una lɛf da ples de.

Lyuk 7:3

Wɛn di Roman ɔfisa yɛri bɔt Jizɔs, i go mit sɔm Ju bigman dɛn ɛn sɛn dɛn to Jizɔs fɔ lɛ dɛn beg am fɔ kam mɛn in bɔy.

Lyuk 7:5

I lɛk wi Ju pipul dɛn ɛn nainsɛf bil wi Ju mitin os fɔ wi.”

Apɔsul Dɛn Wok 10:2

Kɔnilyɔs ɛn di pipul dɛn nain os bin fred Gɔd. I bin de du plɛnti gud fɔ ɛp dɛn Ju pipul we po ɛn i kin de pre to Gɔd ɔltɛm.