Lyuk 4:2 - Krio Fɔs Oli Baybul

² Setan bin de tray fɔ mek Jizɔs du bad. Jizɔs bin aŋri bad we i dɔn de fɔti de, i nɔ it natin.

Lyuk 4:2 Referans Kwoze

1 Kiŋ 19:8

I grap bak, i it ɛn drink; na da it de de nain bɛlɛ we gi am trɛnk fɔ fɔti de ɛn fɔti nɛt te i rich Saynay we na PAPA GƆD in mawnten.

Ɛksodɔs 34:28

Mozis bin de ɔp di mawnten wit PAPA GƆD fɔ fɔti de ɛn fɔti nɛt, i nɔ it bred, i nɔ drink wata. I rayt di wɔd dɛn fɔ di Kɔvinant, na di ston tablɛt dat na di Tɛn Kɔmandmɛnt.

Di Ibru Pipul Dɛn 4:15

Di edman we de mek sakrifays fɔ pipul sin na di wan we wi gɛt we ɔndastand ɔltin we traŋa fɔ wi, bikɔs insɛf na bin wan pan wi, ɛn ɔl wetin de mit wi fɔ tray wi bin dɔn mit am. Bɔt i nɔ sin wande.

Di Ibru Pipul Dɛn 2:18

Na bikɔs Setan bin dɔn tray Jizɔs ɛn Jizɔs bin dɔn sɔfa, mek i ebul ɛp dɛn pipul we Setan de tray.

Ditarɔnɔmi 9:9

Mozis se we in bin go ɔp di mawnten fɔ go tek di tablɛt dɛn we PAPA GƆD bin dɔn rayt ɔl wetin dɛn fɔ de du, ɛn nɔ fɔ de du fɔseka di Kɔvinant we dɛn bin mek wit am, in bin de de fɔ fɔti de ɛn i nɔ it natin; wata sɛf a i nɔ drink.

Jɔn 4:6

Di wɛl we Jekɔb bin gɛt bin lib de; we Jizɔs bin dɔn taya fɔ waka, i go sidɔm klos di wɛl. Na bin santɛm, bay dɛn twɛlv oklɔk.

Ditarɔnɔmi 9:18

Mozis se nain in lidɔm bak flat wan na grɔn ɛn pre to PAPA GƆD fɔ ɔda fɔti de ɛn fɔti nɛt, fɔ ɔl di sin dɛn we di Izrɛlayt dɛn bin dɔn kɔmit we mek PAPA GƆD vɛks bad bad wan. Ɔl datɛnde, Mozis nɔ it natin.

Matyu 21:18

Da mɔnin de wɛn Jizɔs de tɔn bak go Jerusɛlɛm, i bin aŋri.

Matyu 4:2

Wɛn Jizɔs dɔn fast fɔti de ɛn nɛt, i bin aŋri.

Jona 3:7

I nɔ dɔn de, i anawns se, mɔtalman ɛn animal, dat na dɛn wan we dɛn de mɛn na os ɛn dɛn wan we tap na bush, nɔ fɔ it natin; dɛn nɔ fɔ drink wata ɛn nɔbɔdi nɔ fɔ fid dɛn,

Ɛsta 4:16

Mɔdikay fɔ go gɛda ɔl di Ju dɛn na Susa ɛn dɛn fɔ fast ɛn pre fɔ am. I se dɛn nɔ fɔ it ɛn drink fɔ tri de ɛn tri nɛt ɛn insɛf wit in wokuman dɛnsɛf go fast. Dɔn i go mek drayay ɛn go insay go tɔk to di kiŋ pan ɔl we bay di lɔ i nɔ fɔ du dat; i se if i fɔ day, i go day.

1 Samiɛl 17:16

Fɔ foti de, na di sem blɔf di Filistin bin de blɔf na mɔnin ɛn ivintɛm.

Ditarɔnɔmi 9:25

Na ɔl dat mek i pre to PAPA GƆD fɔ fɔti de ɛn fɔti nɛt beg am fɔ dɛn, bikɔs PAPA GƆD bin dɔn tɔk se in go dɔnawe wit dɛn.

Ɛksodɔs 24:18

Di Klawd kɔba Mozis tek am go rayt ɔp di mawnten. I tek fɔti de ɛn fɔti nɛt ɔp na di mawnten.

Jɛnɛsis 3:15

A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”

Lyuk 4:3

Setan tɛl am se, “If yu na Gɔd in Pikin, mek dis ston ya tɔn bred.”