Lyuk 3:2 - Krio Fɔs Oli Baybul

² Anas ɛn Kaye fas dɛn na bin di bigman dɛn we de mek sakrifays fɔ pipul sin. Da sem tɛm de, Gɔd gi Jɔn we na Zakaraya in pikin in mɛsej fɔ tɛl pipul. Wɛn dat bi, Jɔn bin tap na di dɛzat.

Lyuk 3:2 Referans Kwoze

Apɔsul Dɛn Wok 4:6

Dɛn mit Anas we na bin di edman pan dɛn man we de mek sakrifays fɔ pipul sin, ɛn Kaye fas, wit Jɔn, Alɛgzanda, ɛn di ɔda man dɛn we fambul to Anas.

Jɔn 18:24

Anas mek dɛn kɛr Jizɔs go bifo Kaye fas we na bin di edman fɔ dɛn man we de mek sakrifays fɔ pipul sin. Dɛn nɔ bin lus Jizɔs yet.

Lyuk 1:80

As di pikin de gro, na so i de kam klos Gɔd mɔ ɛn mɔ. I bin tap na di dɛzat sote di tɛm kam fɔ sho insɛf to pipul na Izrɛl.

Jona 1:1

PAPA GƆD tɔk to Jona we na Amitay in bɔypikin wande se,

Jɔn 1:23

Wɛn Jɔn de ansa dɛn, i tɔk wetin di prɔfɛt we nem Ayzaya bin dɔn tɔk. I se: “ ‘A de tɔk lawd wan, lɛkɛ we sɔmbɔdi de tɔk lawd wan na di dɛzat se: Una klia di rod we di Masta fɔ pas ɛn mek i tret!’”

Matyu 26:3

Di bigman dɛn we de mek sakrifays fɔ pipul sin ɛn di ɔda Ju bigman dɛn mek mitin na Kaye fas in os; Kaye fas na bin edman fɔ dɛn man we de mek sakrifays fɔ pipul sin.

Ayzaya 40:3

Wan vɔys de ala se: “Mek we fɔ PAPA GƆD na di dray ɛn ɛmti ples we natin nɔ de, Mek wan men rod tret wan fɔ wi Gɔd na di ɛmti ples we pɔsin nɔ go ebul tap.

Matyu 11:7

As Jɔn in lanin bɔy dɛn de go, nain Jizɔs bigin tɛl di pipul dɛn bɔt Jɔn, i se, “Wɛn una bin go mit Jɔn na di dɛzat, wetin una bin abop fɔ si? Una bin want si gras we de trimbul we briz de blo?

Zɛfinaya 1:1

PAPA GƆD tɔk to Zaɛfinaya we na Kushi in bɔypikin. Kushi na bin Gɛdalaya in bɔypikin. Gɛdalaya na bin Amaraya in bɔypikin. Amaraya na bin Ɛzikaya in bɔypikin. Da tɛm de na Josaya we na Amɔn in bɔypikin na bin di kiŋ na Juda.

Mayka 1:1

Dis na wetin PAPA GƆD tɛl Mayka we kɔmɔt Mɔrɛsheth bɔt Sameria ɛn Jerusɛlɛm di tɛm we Jotham, Eaz ɛn Ɛzikaya dɛn na bin kiŋ na Juda.

Jɛrimaya 2:1

PAPA GƆD in wɔd kam to mi se,

Jɛrimaya 1:2

we na to am PAPA GƆD in wɔd bin kam di ia we mek Josaya, we na Amɔn in bɔypikin, tɔtin ia as kiŋ na Juda.

Izikɛl 1:3

PAPA GƆD bin tɔk to Izikɛl, we na bin Buzay in bɔypikin, ɛn we na bin man we de mek sakrifays fɔ pipul sin ɛn bin tap na di Babilonian dɛn kɔntri, we bin de nia di Riva Chɛba; ɛn PAPA GƆD in an bin de pan am na da ples de.

Mak 1:2

Di Gud Nyuz bɔt Jizɔs Krays bigin lɛkɛ aw Gɔd in prɔfɛt we nem Ayzaya bin rayt, we i se: “Gɔd se, ‘A go sɛn mi mɛsenja bifo yu fɔ mek di rod rɛdi fɔ yu!’