Lyuk 3:1 - Krio Fɔs Oli Baybul

¹ Di ia we mek fiftin we di kiŋ na Rom we nem Kiŋ Taybiryɔs bin dɔn de na pawa, Pɔnchɔs Paylet na bin gɔvna na Judia ɛn Ɛrɔd bin de rul na Galili. Ɛrɔd in brɔda we nem Filip bin de rul na Ituraea ɛn Trakonitis. Laysenyas bin de rul na Abileni.

Lyuk 3:1 Referans Kwoze

Lyuk 2:1

Dɛn tɛm de, Ɔgɔstɔs we na bin di kiŋ na Rom sɛn tɔk ɔlɔbɔt se ɔlman we de na Roman kɔntri mɔs go mek dɛn rayt dɛn nem dɔŋ na rɛjista.

Matyu 27:2

Dɛn mek pipul tay Jizɔs wit chen, dɔn dɛn kɛr am go ɛn an am gi Paylet we na bin di Roman gɔvna.

Apɔsul Dɛn Wok 26:30

Di kiŋ, di gɔvna, Banaysi ɛn ɔl di ɔda pipul dɛn grap.

Apɔsul Dɛn Wok 24:27

Wɛn tu ia dɔn pas, Filiks kɔmɔt na pawa ɛn Pɔsiɔs Fɛstɔs tek in ples. Filiks bin want mek di Ju pipul dɛn lɛk am so i nɔ fri Pɔl bifo i go.

Apɔsul Dɛn Wok 23:26

“Mi, Klɔdiɔs Lisias de rayt to yu sa, Gɔvna Filiks. A de tɛl yu adu, sa!

Apɔsul Dɛn Wok 4:27

Fɔ tru, Ɛrɔd ɛn Pɔnchɔs Paylet ɛŋ ed na Jerusɛlɛm wit dɛn Roman pipul ɛn dɛn pipul na Izrɛl fɔ bagin fɔ du Jizɔs bad. Dis Jizɔs ya gi insɛf fɔ wok fɔ yu ɛn nain yu dɔn mek bi di Mɛsaya.

Lyuk 23:24

So Paylet pas sɛntɛns se in go du wetin dɛn tɛl am fɔ du.

Lyuk 9:7

Wɛn Ɛrɔd we bin de rul na Galili yɛri ɔl wetin de bi, i kɔnfyus bikɔs pipul bin de tɔk se Jɔn we bin de baptayz we bin dɔn day, dɔn kam bak!

Lyuk 3:19

Jɔn bin tɔk pan Ɛrɔd we bin de rul Galili bikɔs i bin mared Ɛrodias, we na bin in brɔda wɛf, ɛn fɔ ɔl di plɛnti bad tin dɛn we i bin de du.

Mak 6:17

Kiŋ Ɛrɔd tɔk dat bikɔs i bin mek dɛn ol Jɔn ɛn put am na jel, fɔseka Ɛrodias we i mared; Ɛrodias na bin in brɔda Filip in wɛf.

Matyu 14:3

Kiŋ Ɛrɔd tɔk dat, bikɔs i bin dɔn mek dɛn ol Jɔn we bin de baptayz, tay am, ɛn put am na sɛl. Kiŋ Ɛrɔd bin du dat fɔseka Filip in wɛf, Ɛrodias; Filip na bin Kiŋ Ɛrɔd in brɔda.

Matyu 14:1

Da sem tɛm de, Ɛrɔd we bin de rul na Galili, yɛri bɔt Jizɔs.

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Matyu 14:6

Bɔt di de we dɛn mek Kiŋ Ɛrɔd in batde, Ɛrodias in gyal pikin dans fɔ di pipul dɛn ɛn Kiŋ Ɛrɔd. Kiŋ Ɛrɔd bin so gladi fɔ di dans we i dans,

Matyu 22:17

Wɛl, tɛl wi wetin yu tink, i rayt fɔ lɛ wi pe taks to di kiŋ na Rom ɔ i nɔ rayt?”

Mak 6:21

Di tɛm rich we Ɛrodias gɛt chans fɔ du wetin i want du Jɔn. Wande, Kiŋ Ɛrɔd bin mek pati fɔ in batde. Di kiŋ kɔl dɛn bigman we de wok na dɛn gɔvmɛnt ɔfis, dɛn ami ɔfisa ɛn dɛn bigman na di kɔntri fɔ go di pati.

Lyuk 13:31

Sɔm Faresi dɛn kam tɔk to Jizɔs, dɛn se, “Duya, sa, kɔmɔt na ya naw bikɔs Ɛrɔd dɔn mekɔp fɔ kil yu.”