Lyuk 2:4 - Krio Fɔs Oli Baybul

⁴ We Josɛf bin de na Kiŋ Devid in fambul layn, i kɔmɔt Nazarɛt we de na Galili, go na Bɛtliɛm we de na Judia, di ples we Kiŋ Devid bin bɔn.

Lyuk 2:4 Referans Kwoze

Mayka 5:2

PAPA GƆD se na Bɛtliɛm Ɛfrata we smɔl pas ɔl di siti dɛn na Juda, i go mek sɔmbɔdi kɔmɔt ɛn bi bigman insay Izrɛl ɛn na pɔsin we ɔlman go no bɔt bikɔs dɛn go no in fambul tik.

Jɔn 7:42

Dɛn rayt na Gɔd in Buk se, di Mɛsaya go bi wan pan Kiŋ Devid in grampikin pikin dɛm ɛn na Bɛtliɛm, da tɔŋ we Kiŋ Devid bin de, i go bɔn.”

1 Samiɛl 16:1

PAPA GƆD tɛl Samiɛl se i nɔ go jɛs sidɔm de sɔri fɔ Sɔl sins in di PAPA GƆD nɔ want Sɔl fɔ bi kiŋ igen. PAPA GƆD se, “Grap, tek yu ɔn, put ɔyl insay ɛn go usay a tɛl yu. Yu de go to Jɛsi na Bɛtliɛm. A dɔn pik wan pan in bɔypikin dɛn fɔ bi kiŋ.

Lyuk 4:16

Jizɔs go Nazarɛt. Na di tɔŋ dat we i de frɔm we i lili te i big. Wɛn di de fɔ pre ɛn blo, kam, i go na di Ju mitin os lɛkɛ aw i bin dɔn yus fɔ du. I tinap fɔ rid Gɔd in Buk to di pipul dɛn.

Matyu 2:23

i go tap na wan tɔŋ we nem Nazarɛt. So wetin di prɔfɛt dɛn bin dɔn tɔk bɔt Jizɔs kam bi tru. Dɛn bin se, “Dɛn go kɔl am pɔsin we kɔmɔt Nazarɛt.”

1 Samiɛl 20:6

I se if Jonɛthan in papa fil am we i nɔ de fɔ it, Jonɛthan fɔ tɛl am se Devid tek pamishɔn fɔ go nain om na Bɛtliɛm kwik fɔ tek pat pan di famili sakrifays we dɛn kin gɛt ɛvri ia.

Ruth 4:17

Di uman dɛn we de neba am gi am nem Obɛd, dɛn se na Naomi dɔn bɔn bɔypikin so. Obɛd na bin Jɛsi in papa ɛn na Devid in grampa.

Ruth 4:11

Dɛn di bigman dɛn ɛn ɔlman we bin de na di get se, yɛs, dɛn de fɔ witnɛs ɛn pre mek di uman we i de mared tan lɛk Rechɛl ɛn Lia we na dɛn ɔltu bɔn pikin ful os fɔ Izrɛl. Dɛn pre mek bɛtɛ fala am lɛk Ɛfrata ɛn mek ɔlman no am na Bɛtliɛm.

Ruth 2:4

I te lilibit nain Boaz kɔmɔt Bɛtliɛm, ɛn we i de tɛl in wokman dɛn adu, i pre mek PAPA GƆD blɛs dɛm. Dɛnsɛf pre mek PAPA GƆD blɛs am.

Jɔn 1:46

Natanyɛl aks Filip se, “Ɛni tin gud kin kɔmɔt Nazarɛt?” Filip ansa am se, “Kam luk!”

1 Samiɛl 17:58

Dɔn Sɔl aks am udat i bi. Devid tɛl am se in na Jɛsi na Bɛtliɛm in bɔypikin.

1 Samiɛl 17:12

Devid na bin wan pan Jɛsi we kɔmɔt na di Efrathayt fambul na Bɛtliɛm na Juda, in bɔypikin. Jɛsi bin gɛt et bɔypikin ɛn bay di tɛm we Sɔl na bin kiŋ, i na bin olpa.

1 Samiɛl 16:4

Samiɛl insɛf du wetin PAPA GƆD tɛl am. Wɛn i rich na Bɛtliɛm, di bigman dɛn na di siti dɛn at kɔt ɛn aks am aw dɛn si am so.

Ruth 1:19

So dɛn ɔltu waka te dɛn rich Bɛtliɛm. We dɛn rich Bɛtliɛm, di wanol siti tɔnoba dɔn di uman dɛn bigin aks if fɔ tru na Naomi dis.

Jɛnɛsis 48:7

I se wɛn a bin de kɔmɔt na Padan Aram de go na Kenan, Rechɛl day nain an na rod. I se dɛn nɔ bin de tu fa frɔm Ifrath we dis bi so i bɛr am kɔnasay na di rod de. (Ifrath in nem naw na Bɛtliɛm.) I se in fil am bad.

Jɛnɛsis 35:19

We Rechɛl day, dɛn bɛr am na di rod fɔ go na Ɛfrat, we nem Bɛtliɛm naw.

Matyu 1:20

Wɛn Josɛf bin de tink bɔt wetin i go du, nain Gɔd sɛn enjɛl kam to am na drim. Di enjɛl se, “Josɛf, yu we na Kiŋ Devid in grampikin pikin nɔ fred fɔ mared Meri, bikɔs na Gɔd in Spirit kam pan am we i gɛt bɛlɛ.

Lyuk 2:3

So ɔlman go na dɛn yon tɔŋ fɔ mek dɛn rayt dɛn nem dɔŋ na rɛjista.

Lyuk 2:5

Wɛn Josɛf de go, i kɛr Meri we i bin dɔn put stɔp fɔ go wit am fɔ mek insɛf go put in nem dɔŋ na rɛjista. Meri bin gɛt bɛlɛ da tɛm de.