Lyuk 10:3 - Krio Fɔs Oli Baybul

³ I se, “Una go! A de sɛn una lɛkɛ ship pikin midul wulf.

Lyuk 10:3 Referans Kwoze

Matyu 10:16

“Una lisin, a de sɛn una go lɛkɛ ship midul wulf; una fɔ go kɛlɛkɛlɛ lɛkɛ aw snek de go kɛlɛkɛlɛ, una nɔ du ɛnibɔdi bad lɛkɛ aw dɔv nɔ de du ɛnibɔdi bad.

Apɔsul Dɛn Wok 20:29

A no se wɛn a lɛf una go, sɔm pipul we nɔ go de tɔk tru go kam to una. Dɛn go du una lɛkɛ aw dɛn bad wulf kin du ship.

Jɔn 16:2

Dɛn go drɛb una kɔmɔt na dɛn Ju mitin os, ɛn tɛm de kam we ɛnibɔdi we kil una sɛf go tink se i de du wetin Gɔd want am fɔ du.

Jɔn 15:20

Una fɔ mɛmba wetin a bin tɛl una we a se: ‘Slev nɔ pas in masta’. If pipul dɔn mek a sɔfa, dɛn go mek unasɛf sɔfa; if dɛn du wetin a lan dɛn, dɛn go du wetin unasɛf lan dɛn.

Matyu 10:22

Nɔbɔdi nɔ go lɛk una bikɔs una de du wetin a tɛl una fɔ du, bɔt ɛnibɔdi we bia sote ɔl di trɔbul dɔn, a go sev da pɔsin de.

Matyu 7:15

“Una tek tɛm wit dɛn prɔfɛt we nɔ de tɔk tru; wɛn una luk dɛn, dɛn tan lɛkɛ ship, bɔt insay dɛn at, dɛn tan lɛkɛ wulf we wayl bad bad.

Zɛfinaya 3:3

Dɛn bigman dɛn ɛn dɛn jɔj dɛn ɔl de biev lɛk aŋri layɔn ɔ wulf, dɛn de mekes it ɛnitin we dɛn gɛt ɛn nɔ de wɔri fɔ kip fɔ di nɛks de.

Apɔsul Dɛn Wok 9:2

go aks am fɔ gi am pepa we go sho se i gɛt pawa fɔ go insay di Ju mitin os na Damaskɔs, so dat if i mit ɛnibɔdi we de waka aw di Masta se pipul fɔ waka, i go ol di pɔsin, man ɔ uman, kɛr am go bak na Jerusɛlɛm.

Jɔn 10:12

Man we dɛn de pe fɔ mɛn ship, we nɔto in na di tru shɛpad, ɛn nɔto in gɛt di ship dɛn, wɛn i si wulf de kam, i go rɔnawe lɛf di ship dɛn, so di wulf go kech di ship dɛn ɛn kɛr dɛn go.

Di Sam Dɛm 22:21

Ansa mi ɛn pul mi kɔmɔt na wulf mɔt. Nɔ lɛf mi gi dɛn fɔ kil mi.

Apɔsul Dɛn Wok 9:16

Misɛf go sho Sɔl plɛnti tin we i go sɔfa fɔ mek ɔda pipul sabi mi.”

Lyuk 10:4

We una de go so, una nɔ fɔ kɛr pɔs, una nɔ fɔ kɛr bag, ɛn una nɔ fɔ kɛr sus. Una nɔ fɔ westɛm fɔ tɛl pipul lɔŋ adu na rod.