Lyuk 1:9 - Krio Fɔs Oli Baybul

⁹ Wɛn dɛn man we de mek sakrifays fɔ pipul sin kin want pik di wan we go go insay insay Gɔd in Os go bɔn insɛns, dɛn kin rayt ɔlman nem dɔŋ, fol di pepa dɛn ɛn pik wan; dis tɛm ya na Zakaraya in nem kɔmɔt fɔ du da wok de.

Lyuk 1:9 Referans Kwoze

2 Kronikuls 29:11

Mi bɔypikin dɛm, una nɔ mek kyalɛs naw, bikɔs PAPA GƆD dɔn pik una fɔ tinap usay in de, fɔ sav am ɛn fɔ bin in wokman ɛn bɔn insɛns to am.”

1 Kronikuls 23:13

Amram in bɔypikin dɛm na bin Earɔn ɛn Mozis. PAPA GƆD bin pik Erɔn fɔ de kɔnsikret di tin dɛn we oli pas ɔl, ɛn in ɛn in bɔypikin dɛn fɔ de bɔn insɛns ɛn minista to PAPA GƆD ɛn tek in nem de blɛs sote go.

1 Samiɛl 2:28

I se, PAPA GƆD se i bin pik in papa fɔ bi man we de mek sakrifays fɔ pipul sin pan ɔl di fambul dɛn we bin de na Izrɛl. Nain papa i pik fɔ de go nain ɔlta, fɔ bɔn insɛns ɛn fɔ wɛr spɛshal klos usay i de. I se PAPA GƆD se i mek ɔl udat kɔmɔt na Ilaɛl in papa in os fɔ de gɛt ɔl di ɔfrin we bɔn na faya we di Izrɛlayt dɛn kin de mek.

Di Nɔmba Dɛm 16:40

jɛs lɛkɛ aw PAPA GƆD bin dɔn tɛl Mozis fɔ tɛl am fɔ du. Dis na bin fɔ mɛmba di Izrɛlayt dɛn se nɔbɔdi nɔ gɛt rayt fɔ go bifo PAPA GƆD fɔ bɔn insɛns pas udat kɔmɔt na Erɔn in famili layn, ɔ nɔ so insɛf go tan lɛk Kora ɛn in gɛŋ.

Di Ibru Pipul Dɛn 9:6

Afta dɛn dɔn rɛdi di ples lɛkɛ dat, di man dɛn we bin de mek sakrifays fɔ pipul sin kin go insay di fɔs ples ɔltɛm we dɛn de go du Gɔd in wok.

2 Kronikuls 26:16

We Kiŋ Uzaya bin dɔn sidɔm na pawa gud gud wan, i bigin mek prawd, we briŋ in dawnfɔl. I bin fɔls to PAPA GƆD we nain Gɔd, ɛn i go insay PAPA GƆD in os go bɔn insɛns na di insɛns ɔlta.

1 Kronikuls 6:49

Earɔn ɛn in bɔypikin dɛm bin de mek bɔn sakrifays ɛn na di ɔlta we dɛn bin de bɔn insɛns fɔ ɔl di wok na di ples we oli pas ɔl, ɛn fɔ beg PAPA GƆD fɔ dɛn sin jɛs lɛk ɔl wetin Mozis we na bin PAPA GƆD in wokman, bin tɛl dɛn fɔ du.

Matyu 27:5

Judas fliŋ di silva kɔpɔ na grɔn insay Gɔd in Os, i kɔmɔt de, ɛn go ɛŋ insɛf.