Lyuk 1:8 - Krio Fɔs Oli Baybul

⁸ Wan tɛm we na dɛn man we de na Abija in grup bin de wok na Gɔd in Os, Zakaraya bin de du in wok.

Lyuk 1:8 Referans Kwoze

2 Kronikuls 8:14

Bay wetin in papa Devid bin dɔn pul se dɛn fɔ de du, i di sho di man dɛn we de mek sakrifays fɔ pipul sin dɛn difrɛn difrɛn wok ɛn di Livayt dɛm fɔ dɛnsɛf yon wok we na fɔ prez ɛn ɛp di man dɛn we de mek sakrifays fɔ pipul sin bay aw dɛn fɔ wok ɛvride, ɛn di getman dɛn na di difrɛn difrɛn get dɛn; bikɔs na os Devid we na Man ɔf Gɔd tɔk traŋa wan se dɛn fɔ du.

1 Kronikuls 24:19

Dɛn wan ya dɛn ɔl gɛt di wok we dɛn gi dɛm aw fɔ du insay PAPA GƆD in Os akɔdin to di ɔda we Erɔn dɛn papa bin dɔn sɛt fɔ dɛm bay aw PAPA GƆD fɔ Izrɛl kɔmand am.

2 Kronikuls 31:2

Ɛn Ɛzikaya mak aw di man we de mek sakrifays fɔ pipul sin ɛn Livayt dɛm fɔ divayd sɛkshɔn bay sɛkshɔn, ɔlman akɔdin to in wok di man we de mek sakrifays fɔ pipul sin ɛn di Livayt dɛm we fɔ bɔn ɔfrin, fo gi pis ɔfrin fɔ sav PAPA GƆD ɛn tɛn ɛn prez am na di get dɛn fɔ in kamp.

Lyuk 1:5

Da tɛm we Ɛrɔd na bin Kiŋ na Judia, wan man we bin de mek sakrifays fɔ pipul sin bin de. I bin nem Zakaraya; i bin de wok ɔnda Abija. In wɛf bin nem Ilizabɛt, i bin fambul to Erɔn.

Ɛzra 6:18

Dɔn dɛn put di man dɛn we de mek sakrifays fɔ pipul sin ɛn di Livayt dɛn na difrɛn difrɛn grup ɛn tɛl dɛn ustɛm fɔ du dɛn wok na PAPA GƆD in os na Jerusɛlɛm. Dɛn du ɔl dɛn tin ya lɛkɛ to wetin rayt insay Mozis in buk.

2 Kronikuls 31:19

Ɛn dɛn big gɛt man dɛn na di difrɛn siti dɛm we dɛn kɔl bay nem fɔ seka pɔshɔn dɛm fɔ Earɔn in bɔypikin dɛm we de na di fil dɛm fɔ di kɔmɔn land we blant dɛn siti dɛn. Tɔn ɔl dɛn man dɛn pan di man we de mek sakrifays fɔ pipul sin dɛm (big ɔ smɔl) ɛn to ɛni wan pan di Livayt dɛm we rɛjista ɛn fɔ Earɔn bɔypikin dɛm we de na di fil dɛm fɔ di kɔmɔn land blant dɛn siti dɛm man dɛm bin de na di difrɛn siti dɛm we dɛn kɔl bay nem fɔ shelɔ to ɛvri man pan di man we de mek sakrifays fɔ pipul sin dɛm. Ɛn to ɔl di wan dɛm pan dɛn Livayt dɛm we rɛjista.

2 Kronikuls 11:14

Di Livayt dɛm lɛf di land we na dɛn ɔl bin gɛt ɛn dɛn prɔpati dɛm ɛn kam na Juda ɛn Jerusɛlɛm, bikɔs Jɛroboam ɛn in bɔypikin drɛb dɛn se dɛn nɔ go bi man dɛn we de mek sakrifays fɔ pipul sin fɔ PAPA GƆD igen

Di Nɔmba Dɛm 18:7

Bɔt na yu ɛn yu bɔypikin dɛn nɔmɔ fɔ de as man dɛn we de mek sakrifays fɔ pipul sin ɛn we gɛt ɛnitin fɔ du wit di ɔlta ɛn di Tɛnt. A de mek una bi man dɛn we de mek sakrifays fɔ pipul sin as prɛzɛnt to una. Dɛn fɔ kil ɛni ɔda pɔsin we kam nia di Tɛnt.

Ɛksodɔs 30:30

Anɔynt Erɔn ɛn in bɔypikin dɛn wit di ɔyl we dɔn kɔnsikret, ɛn Ɔden dɛn as man dɛn we de mek sakrifays fɔ pipul sin fɔ de sav mi.

Ɛksodɔs 29:44

“A go kɔnsikret di Tɛnt ɛn mek am oli; a go kɔnsikret Erɔn ɛn in bɔypikin dɛn ɛn mek dɛn de sav mi as man dɛn we de mek sakrifays fɔ pipul sin.

Ɛksodɔs 29:9

Na so yu fɔ du fɔ Ɔden Erɔn ɛn in bɔypikin dɛn. Dɛn ɛn dɛn jɛnareshɔn dɛn fɔ de sav mi as man dɛn we de mek sakrifays fɔ pipul sin te dɛn day.

Ɛksodɔs 29:1

PAPA GƆD se, “Na dis kayn sɛrimɔni a want yu fɔ pafɔm we yu de Ɔden Erɔn ɛn in bɔypikin dɛn fɔ de sav mi as man dɛn we de mek sakrifays. Tek wan yɔŋ man kaw ɛn tu bigman ship we nɔ gɛt nɔn bɔt pan dɛn.

Ɛksodɔs 28:41

Yu fɔ wɛr di gawn dɛn pan yu brɔda Erɔn ɛn in bɔypikin dɛn. Yuz ɔliv ɔyl fɔ Ɔden dɛn ɛn anɔynt dɛn fɔ lɛ dɛn go de sav mi as man dɛn we de mek sakrifays fɔ pipul sin.

Ɛksodɔs 28:1

PAPA GƆD tɔk to Mozis bak. I se, “Kɔl yu brɔda Erɔn wit in bɔypikin dɛn, we na Nadab, Abiu, Ɛlieza ɛn Ithama. Pul dɛn kɔmɔt to di Izrɛlayt dɛn. Dɛn yon wok fɔ mi na fɔ de mek sakrifays fɔ pipul sin.

1 Kronikuls 24:2

Bɔt Nadab ɛn Abiu day bifo dɛn Papa ɛn dɛn nɔ bin gɛt pikin dɛm so na Ɛlieza ɛn Itama bin kam bi di man dɛn we de mek sakrifays fɔ pipul sin.

Lyuk 1:7

Dɛn bin dɔn ol ɛn Ilizabɛt na uman we nɔ bin de bɔn, so dɛn nɔ bin gɛt pikin.