Lyuk 1:7 - Krio Fɔs Oli Baybul

⁷ Dɛn bin dɔn ol ɛn Ilizabɛt na uman we nɔ bin de bɔn, so dɛn nɔ bin gɛt pikin.

Lyuk 1:7 Referans Kwoze

Di Ibru Pipul Dɛn 11:11

Na bikɔs Ebraam bin biliv Gɔd, mek, ilɛk sɛf we in ɛn Sera bin dɔn ol, dɛn ebul bɔn pikin. Ebraam bin biliv se Gɔd na Gɔd we de du wetin i dɔn prɔmis.

1 Samiɛl 1:2

I bin gɛt tu wɛf wan na Ana dɔn di ɔda wan na Pɛnina. Pɛnina bin gɛt pikin dɛn bɔt Ana nɔ bin gɛt.

Jɛnɛsis 18:11

Ebraam ɛn Sera bin dɔn ol, ɛn Sera nɔ bin de si in piriɔd igen

Jɛnɛsis 25:21

Ayzak pre to PAPA GƆD fɔ mek Ribɛka go gɛt pikin bikɔs i nɔ bin bɔn yet. So PAPA GƆD ansa Ayzak in prea, ɛn Ribɛka gɛt bɛlɛ.

2 Kiŋ 4:14

Ilaɛlsha aks wetin fɔ du fɔ am. Gɛazi ansa se di uman nɔ gɛt pikin ɛn in man dɔn ol.

Jɛnɛsis 17:17

Ebraam lidɔm flat wit in fes na grɔn, i bɔs laf ɛn aks insɛf se, if man kin bɔn pikin we i ol wan ɔndrɛd ia. Ɛn if Sera go ebul bɔn pikin we i ol naynti.

Lɛta Fɔ Rom 4:19

Ebraam bin dɔn ol lɛkɛ wan ɔndrɛd ia so. Pan ɔl we i bin no se in bin dɔn tu ol fɔ bɔn pikin, ɛn in wɛf Sera nɔ bin ebul bɔn pikin, i bin stil biliv se wetin Gɔd bin dɔn prɔmis, go bi.

1 Kiŋ 1:1

Kiŋ Devid bin dɔn ol naw. We dɛn kin kɔba am wit blankit i kin stil fil kol.

Jɛnɛsis 30:1

We Rechɛl si se i nɔ de bɔn pikin fɔ Jekɔb, i bigin jɛlɔs in sista dɔn i tɛl Jekɔb se, “If yu nɔ mek a bɔn a go day.”

Lyuk 1:5

Da tɛm we Ɛrɔd na bin Kiŋ na Judia, wan man we bin de mek sakrifays fɔ pipul sin bin de. I bin nem Zakaraya; i bin de wok ɔnda Abija. In wɛf bin nem Ilizabɛt, i bin fambul to Erɔn.

Lyuk 1:6

Zakaraya ɛn Ilizabɛt bin de waka tret wit Gɔd. Dɛn bin de kip ɔl di Ju Lɔ ɛn dɛn bin de du ɔl wetin Gɔd tɛl dɛn fɔ du.

Lyuk 1:8

Wan tɛm we na dɛn man we de na Abija in grup bin de wok na Gɔd in Os, Zakaraya bin de du in wok.