Lyuk 1:6 - Krio Fɔs Oli Baybul

⁶ Zakaraya ɛn Ilizabɛt bin de waka tret wit Gɔd. Dɛn bin de kip ɔl di Ju Lɔ ɛn dɛn bin de du ɔl wetin Gɔd tɛl dɛn fɔ du.

Lyuk 1:6 Referans Kwoze

Jɛnɛsis 7:1

PAPA GƆD tɛl Noa se, “Go insay di ak wit ɔl udat tap na yu os. A dɔn si se na yu wangren pan yu kɔmpin dɛn de du wetin rayt na mi yay.

Jɛnɛsis 17:1

We Ebram bin ol naynti-nayn ia, PAPA GƆD apia to am ɛn tɛl am se, “Mi na PAPA GƆD Ɔlmayti. Obe mi ɛn du wetin rayt ɔltɛm.

Lɛta Fɔ Filipay 2:15

so dat pipul nɔ go pɔynt fiŋa pan una. Dɛn go si se una na Gɔd in pikin dɛn we gɛt klin at ɛn we nɔ miks pan sin. Pan ɔl we una de na wɔl, wit pipul we wikɛd ɛn we de liv bad layf ɔltɛm, una yon layf fɔ tan lɛkɛ layt fɔ dɛn.

Apɔsul Dɛn Wok 24:16

So a de tray ɔltɛm mek mi at klin bifo Gɔd ɛn bifo mɔtalman.

1 Kiŋ 9:4

As fɔ yu yon say, if yu waka tret wit mi ɛn du wetin rayt lɛkɛ yu papa Devid, ɛn du ɔl wetin a tɛl yu ɛn kip mi kɔmandmɛnt,

Fɔs Lɛta Fɔ Tɛsalonayka 3:13

Dat go mek di Masta gi una kɔrej so dat wɛn una go tinap bifo Gɔd we na wi Papa, di tɛm we Masta Jizɔs go kam bak wit ɔl in yon pipul dɛn, una go bi lɛkɛ aw Gɔd want una fɔ bi.

Job 1:1

Wan man bin de we nem Job, ɛn i bin tap na Ɔz. Job na bin gud man ɛn i bin de waka tret wit PAPA GƆD. In fred ɛn rɛspɛkt fɔ PAPA GƆD, ɛn in layf nɔ bin gɛt wan bɔt.

Jɔn In Fɔs Lɛta 2:3

If wi gri fɔ du ɔl wetin Gɔd tɛl wi fɔ du, na da tɛm de nɔmɔ wi kin shɔ se wi no Gɔd gud.

Pita In Sɛkɛn Lɛta 3:14

So, mi padi dɛn we a lɛk, we una de wet fɔ dis nyu ɛvin ɛn dis nyu wɔl ya, una fɔ tray mek Gɔd nɔ fɛn ɛni fɔlt na una layf ɛn una go gɛt kol at fɔseka dat.

Job 1:8

PAPA GƆD aks am if i dɔn tink bɔt Job we nain wokman. PAPA GƆD tɛl Setan se nɔbɔdi nɔ de na wɔl lɛk Job bikɔs na gud man ɛn i de waka tret wit am. I fred ɛn rɛspɛkt in PAPA GƆD ɛn nɔ miks pan bad.

Jɔn In Fɔs Lɛta 3:7

Mi pikin dɛn, mek nɔbɔdi nɔ mek una ful. Pɔsin we de waka tret, na pɔsin we de du di rayt tin, jɛs lɛkɛ aw Krays de du di rayt tin, i nɔ gɛt sin nain layf.

Jɔn In Fɔs Lɛta 2:29

Una no se Krays de du wetin rayt ɔltɛm, so una fɔ no se ɛni bɔdi we de du wetin rayt na Gɔd pikin.

Lɛta Fɔ Kɔlɔse 1:22

Bɔt we Gɔd in Pikin kam day na di krɔs, dat dɔn mek una bi Gɔd in padi dɛn, so dat di tɛm we una go tinap bifo am una nɔ go gɛt fɔlt, i nɔ go blem una fɔ ɛnitin.

2 Kɔrint 1:12

Wetin mek wi fil prawd, na we wi no insay wi at fɔ tru se nɔto bay mɔtalman sɛns wi liv na dis wɔl, ɛn nɔto bay mɔtalman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una.

1 Kɔrint 11:2

Una du wɛl: una de mɛmba mi ɔltɛm ɛn una de mɛmba dɛn tin we a bin lan una, ɛn una de du dɛn.

Apɔsul Dɛn Wok 23:1

Pɔl luk di mɛmba dɛn ɔl ɛn se, “Mi brɔda dɛn, frɔm we a no misɛf sote tide, a nɔ gɛt nɔ dawt na mi at se wetin a de du bifo Gɔd, rayt.”

Di Sam Dɛm 119:6

Da tɛm de a nɔ go de shem bikɔs a no se a de obe yu lɔ.

Job 9:2

Na tru yu de tɔk: Pɔsin nɔ go ebul tɛl PAPA GƆD se in an klin.

2 Kiŋ 20:3

“E PAPA GƆD, duya mɛmba ɔl wetin a dɔn du ɛn aw a dɔn waka tret wit yu wit ɔl mi at ɛn na wetin rayt bifo yu yay a bin de du.” Ɛzikaya kray bita bita wan.

Jɛnɛsis 6:9

Noa bin de du wetin rayt bifo PAPA GƆD. Nain wangren nɔ bin gɛt fɔlt pan ɔl in kɔmpin dɛn. Ɛn in ɛn PAPA GƆD na bin padi.

Lyuk 16:15

Bɔt Jizɔs tɛl dɛn se, “Una de mek pipul fil se una nɔ de du bad, bɔt Gɔd no wetin de na una at. Di tin we mɔtalman luk se impɔtant, nain Gɔd nɔ lɛk at ɔl.

Ditarɔnɔmi 5:33

I advays di Izrɛlayt dɛn fɔ du ɔl wetin PAPA GƆD we na dɛn PAPA GƆD dɔn se dɛn fɔ de du so dat ɔltin go fayn fɔ dɛn ɛn dɛn go gɛt lɔŋ layf fɔ ɛnjɔy di land we dɛn bin de go kapchɔ.

1 Kiŋ 15:5

Wɛn Devid in bin de, i bin de du ɔl wetin rayt na PAPA GƆD in yay, ɛn kip to ɔl in lɔ dɛn; na we nɔmɔ i kil Yuraya da Itayt ɛn tek in wɛf.

Lyuk 1:7

Dɛn bin dɔn ol ɛn Ilizabɛt na uman we nɔ bin de bɔn, so dɛn nɔ bin gɛt pikin.

Lyuk 2:25

Da tɛm de, wan man bin de na Jerusɛlɛm we bin nem Simiɔn. Dis man ya bin lɛk Gɔd ɛn i bin de waka tret ɛn de du ɔl wetin Gɔd want. I bin de wet fɔ di tɛm we Gɔd go sɔri fɔ di Izrɛl pipul dɛn ɛn pul dɛn kɔmɔt pan waala. Gɔd in Spirit bin de insay am,

Apɔsul Dɛn Wok 2:25

Devid bin tɔk bɔt Jizɔs se, ‘A de si mi Masta bifo mi ɔltɛm; i de wit mi, so a nɔ go wɔri.

Apɔsul Dɛn Wok 8:21

Yu nɔto wan pan wi ɛn Gɔd si se yu at nɔ de fɔ am.

Lɛta Fɔ Rom 8:4

Gɔd du dis so dat wi we nɔ de du wetin wi at tɛl wi fɔ du igen, bɔt wi de du wetin Gɔd in Spirit tɛl wi, go ebul du ɔl wetin di Lɔ se rayt fɔ du.

2 Kronikuls 17:4

bɔt bin de wɔship in papa in Gɔd ɛn bin de du wetin PAPA GƆD tɛl dɛn traŋa wan se dɛn fɔ de du, ɛn nɔto wetin Izrɛl dɛn bin de du in bin de du..