Lyuk 1:2 - Krio Fɔs Oli Baybul

² Ɛn ɔl wetin dɛn de rayt na dɛn sem tin we dɛn pipul we bin de we dɛn tin ya fɔs bigin apin, ɛn we bin de tɔk Gɔd in wɔd, tɛl wi.

Lyuk 1:2 Referans Kwoze

Jɔn 15:27

Ɛn unasɛf go tɔk bɔt mi, bikɔs una dɔn de wit mi frɔm di tɛm we a bin bigin lan pipul.

Apɔsul Dɛn Wok 26:16

Grap, tinap; A dɔn sho misɛf to yu ɛn a dɔn pik yu fɔ wok fɔ mi. Yu fɔ tɛl ɔda pipul wetin yu dɔn si tide ɛn yu fɔ tɔk wetin a want yu fɔ tɔk.

Pita In Sɛkɛn Lɛta 1:16

Wɛn wi tɛl una se wi Masta Jizɔs Krays go kam bak na dis wɔl wit pawa, nɔto kɔni sɛns wi tek pul stori we nɔto tru, bɔt wisɛf si am wɛn i bin de sho in pawa.

Di Ibru Pipul Dɛn 2:3

Wetin mek wi fil se, wi go pul wi ed pan di pɔnish we Gɔd go pɔnish mɔtalman, if wi nɔ gri fɔ dis wɔndaful we we Gɔd de sev wi? Na Jizɔs we na di Masta, fɔs tɛl wi bɔt di wɔndaful we we Gɔd go sev wi, dɔn dɛn pipul we yɛri am, dɛnsɛf pruv to wi se na tru.

Mak 1:1

Na ya di Gud Nyuz bɔt Jizɔs Krays we na Gɔd in Pikin, bigin.

Apɔsul Dɛn Wok 1:3

Afta Jizɔs day, fɔ fɔti de i bin de sho insɛf to in apɔsul dɛn; ɛn bay aw i kin sho insɛf ɔltɛm, in apɔsul dɛn nɔ dawt se i bin stil de layf wan. Ɛnitɛm we Jizɔs sho insɛf to dɛn, i kin tɛl dɛn bɔt Gɔd in rul.

Pita In Fɔs Lɛta 5:1

Mi, Pita, na wan pan dɛn bigman na chɔch we de sho pipul di wok we dɛn fɔ du. A si we Krays de sɔfa wit mi yon yay, ɛn a no se misɛf go de wit am di tɛm we i go kam bak, wɛn Gɔd go mek ɔlman si in pawa ɛn misɛf go gɛt pan da big blɛsin de. A de beg una dɛn bigman na chɔch.

Apɔsul Dɛn Wok 4:20

Wi nɔ go ebul sɛt mɔt ɛn nɔ tɔk bɔt wetin wi dɔn si ɛn yɛri.”

Lyuk 24:48

Unasɛf dɔn si ɔl dɛn tin ya ɛn una fɔ tɛl ɔda pipul bɔt dɛn.

1 Kɔrint 4:1

Una fɔ no se wi de du Gɔd wok, ɛn wi no plɛnti tin bɔt Gɔd we ɔda pipul nɔ ɔndastand ɛn na wi Gɔd pik fɔ ɛksplen dɛn to ɔda pipul.

Apɔsul Dɛn Wok 1:8

Wɛn Gɔd in Spirit kam pan una, i go gi una pawa fɔ mek una tɔk bɔt mi na Jerusɛlɛm, na Judia, na Sameria ɛn ɔlɔbɔt na wɔl.”

Mak 4:14

Di fama we de plant di sid na di pɔsin we de go tɛl ɔda pipul di Gud Nyuz.

Mak 16:20

Di lanin bɔy dɛn go ɔlɔbɔt na wɔl de tɛl pipul di Gud Nyuz, ɛn di Masta bin de ɛp dɛn, ɛn mek dɛn du plɛnti wɔndaful wok we fɔ mek pipul no se na tru dɛn de tɔk.] 9 Di uman dɛn go to Pita ɛn in kɔmpin dɛn ɛn tɛl dɛn ɔl wetin di yɔŋ man tɛl dɛn, dɛn nɔ tek lɔŋ fɔ du dat. 10 Afta dat, Jizɔs sɛn in lanin bɔy dɛn go ɔlɔbɔt na wɔl fɔ tɛl pipul di mɛsej bɔt aw Gɔd go sev dɛn, dat na di mɛsej we go de sote go ɛn we Gɔd insɛf sɛn kam na wɔl.

Jɔn 16:4

Bɔt a dɔn tɛl una dɛn tin ya naw, so dat wɛn di tɛm rich we dɛn go du dɛn ɔl to una, una go mɛmba wetin a bin tɛl una. “A nɔ bin tɛl una ɔl dɛn tin ya wɛn a bin bigin lan una, bikɔs a bin de wit una da tɛm de.

Apɔsul Dɛn Wok 8:4

Dɛn pipul we bin biliv pan Jizɔs we bin rɔnawe kɔmɔt Jerusɛlɛm, go ɔlsay de tɛl pipul di Gud Nyuz bɔt Jizɔs.

Apɔsul Dɛn Wok 14:25

Dɛn tɛl di pipul dɛn na Paga di Gud Nyuz, dɔn dɛn go Ata lia.

Apɔsul Dɛn Wok 16:6

Pɔl ɛn in kɔmpin dɛn go ɔlsay na Fri jya ɛn Galeshya bikɔs Gɔd in Spirit nɔ gri mek dɛn tɔk Gɔd in mɛsej na wan smɔl ples we dɛn kɔl Eshya.

Apɔsul Dɛn Wok 17:11

Di pipul dɛn na Biria bin gladi fɔ yɛri di mɛsej we Pɔl tɛl dɛn, pas di pipul dɛn na Tɛsalonayka. Dɛn bin gladi fɔ lisin wetin Pɔl de tɔk, ɛn dɛn rid wetin rayt na Gɔd in Buk fɔ si if na tru Pɔl bin de tɔk.