Lyuk 1:11 - Krio Fɔs Oli Baybul

¹¹ Wantɛm, Zakaraya si enjɛl bifo am na di raytan say na di ples, we i de bɔn di insɛns.

Lyuk 1:11 Referans Kwoze

Di Jɔj Dɛm 13:3

Nain wande, PAPA GƆD in enjɛl apia to am ɛn tɛl am se, in na uman we nɔ de bɔn ɛn i nɔ gɛt pikin, bɔt i go gɛt bɛlɛ ɛn bɔn wan bɔypikin.

Rɛvɛleshɔn 9:13

Dɛn di enjɛl we mek siks blo in trɔmpɛt. Na de a yɛri vɔys de kɔmɔt na di fo kɔna dɛn na di gold tebul we de bifo Gɔd, da tebul we dɛn de mek sakrifays to Gɔd.

Di Ibru Pipul Dɛn 1:14

Udat na di enjɛl dɛn? Dɛn na spirit ɛn dɛn na Gɔd in mɛsenja dɛn; na dɛn Gɔd de sɛn fɔ ɛp dɛn pipul we Gɔd go sev.

Apɔsul Dɛn Wok 5:19

Bɔt di Masta in enjɛl kam na nɛt ɛn opin di get na di jel we di apɔsul dɛn bin de, dɛn di enjɛl pul di apɔsul dɛn kɔmɔt na di jel ɛn tɛl dɛn se,

Lyuk 2:10

Di enjɛl se, “Una nɔ fred! A briŋ gud nyuz fɔ una we go mek pipul gladi bad ɛn ɔl di Izrɛl pipul dɛn go gladi.

Lyuk 1:28

Wɛn di enjɛl go na Meri in os, i se, “Meri, kushɛ, o! Gɔd dɔn blɛs yu ɛn i de wit yu!”

Lyuk 1:19

Di enjɛl ansa se, “A nem Gebrɛl. Na mi tinap bifo Gɔd de sav am ɛn i sɛn mi fɔ kam tɛl yu dis gud nyuz.

Di Jɔj Dɛm 13:9

PAPA GƆD yɛri Manoa in prea; PAPA GƆD in enjɛl go bak go mit di uman we i bin de na fam, bɔt in man Manoa, nɔ bin de de.

Lɛvitikɔs 16:13

ɛn put di insɛns na di faya bifo PAPA GƆD, so dat di tik smok we di insɛns go pul go kɔba di Ak ɔf di Kɔvinant in kɔba, ɔ nɔ so Erɔn go day if i si di Ak ɔf di Kɔvinant in kɔba;

Lyuk 2:9

Dɛn si enjɛl we Gɔd, we na wi Masta, sɛn, tinap bifo dɛn. Na so ɔl di ples bin de shayn brayt wit Gɔd in layt, so dɛn bigin fred bad bad wan.