Lyuk 1:1 - Krio Fɔs Oli Baybul

¹ Ɔnarebul Tiofilɔs, yu no se plɛnti pipul dɔn bigin rayt ɔl dɛn wɔndaful tin we dɔn bi na ya.

Lyuk 1:1 Referans Kwoze

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Jɔn 20:31

Dɛn rayt dɛn tin we de na dis buk fɔ mek una biliv se Jizɔs na di Mɛsaya, Gɔd in Pikin; ɛn if una biliv pan am, una go gɛt tru layf.

Sɛkɛn Lɛta To Timoti 4:17

Bɔt di Masta bin de wit mi ɛn i gi mi pawa, we mek a ebul tɛl pipul ɔl di mɛsej, mek ɔl dɛn wan we nɔto Ju, yɛri; ɛn i mek a nɔ go insay layɔn mɔt.

Mak 16:20

Di lanin bɔy dɛn go ɔlɔbɔt na wɔl de tɛl pipul di Gud Nyuz, ɛn di Masta bin de ɛp dɛn, ɛn mek dɛn du plɛnti wɔndaful wok we fɔ mek pipul no se na tru dɛn de tɔk.] 9 Di uman dɛn go to Pita ɛn in kɔmpin dɛn ɛn tɛl dɛn ɔl wetin di yɔŋ man tɛl dɛn, dɛn nɔ tek lɔŋ fɔ du dat. 10 Afta dat, Jizɔs sɛn in lanin bɔy dɛn go ɔlɔbɔt na wɔl fɔ tɛl pipul di mɛsej bɔt aw Gɔd go sev dɛn, dat na di mɛsej we go de sote go ɛn we Gɔd insɛf sɛn kam na wɔl.

Lɛta Fɔ Rom 4:21

Ebraam bin shɔ se Gɔd go ebul du wetin i bin dɔn prɔmis se in go du fɔ am.

Lɛta Fɔ Rom 14:5

Sɔm pipul fil se wande bɛtɛ pas dɛn ɔda de, ɛn ɔda pipul fil se nɔ de nɔ bɛtɛ pas in kɔmpin. Una ɔl fɔ shɔ se wetin una de tink, rayt.

Lɛta Fɔ Kɔlɔse 2:2

Di tin we mek a want du so na fɔ mek dɛn gɛt kɔrej ɛn mek dɛn ɔl gɛt wan at ɛn lɛk dɛn kɔmpin mɔ ɛn mɔ. Dat go mek dɛn ɔndastand wetin tru gud gud ɛn dɛn go biliv fɔ shɔ, dɛn nɔ go dawt igen. Na so dɛn go tek no wetin Gɔd bin ayd frɔm dɛn, dat na Krays insɛf.

Lɛta Fɔ Kɔlɔse 4:12

Ɛpafras, we na wan pan una, ɛn we de wok fɔ Jizɔs lɛkɛ unasɛf, insɛf de tɛl una adu. I de pre fɔ una wit ɔl in at; i de pre mek una nɔ tap fɔ biliv pan Gɔd, mek una shɔ bɔt wetin una biliv, mek una no ɔl wetin una fɔ no bɔt Gɔd, ɛn mek una du ɔl wetin Gɔd want una fɔ du.

Fɔs Lɛta Fɔ Tɛsalonayka 1:5

Na wi fɔs tɛl una di Gud Nyuz bɔt Jizɔs Krays. Wi nɔ bin jɛs tɔk nɔmɔ, wi du wɔndaful tin dɛn wit Gɔd in Spirit pawa ɛn wi sho una se wi biliv wit ɔl wi at se di Gud Nyuz na tru. Una no di layf we wi bin liv wɛn wi bin de wit una, ɔl dat na bin fɔ ɛp una.

Di Ibru Pipul Dɛn 6:11

Di tin we de na wi at we wi want una fɔ du, na fɔ mek una ɔl de tray fɔ du wetin Gɔd want sote una day, ɛn mek una nɔ tap fɔ du am, so dat una go gɛt dɛn tin we Gɔd gɛt fɔ una we una abop fɔ gɛt.

Di Ibru Pipul Dɛn 10:22

So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata.